Инстаграм: Асал ойига учиб кетган Феруза Норматова, ҳейтерларга мурожаат йўллаган Татяна Зайсева, мукаммал бўлишдан чарчаган Марям Тиллаева

Инстаграм: Асал ойига учиб кетган Феруза Норматова, ҳейтерларга мурожаат қилган Татяна Зайсева, мукаммал бўлишдан чарчаган Марям Тиллаева

Жаҳон ва ўзбек шоу-бизнеси вакилларининг Инстаграм саҳифаларига жойлаштирилган қизиқарли фото ва видеоларни эътиборингизга ҳавола қиламиз.

Турк актрисаси Ҳанде Эрчел нуфузли мода намойишида қатнашиб, янги суратларини пост қилди.

Ўзбекистон халқ артисти Саида Раметова шоир Абдулла Орипов қаламига мансуб, инсон умрига қиёсланган шеърни обуначилари билан улашди.

Вайнер, Mitti.me жамоаси сардори Улуғбек Шодибеков кузатувчиларига ўсмирлик давридаги суратларини кўрсатди.

Фото: Инстаграм “Шарқ” гуруҳи хонандаси Татяна Зайсева турмуш ўртоғи билан ажрашганини билдиргач, шахсий ҳаётига аралашаётган ҳейтерларга мурожаат қилди. Хонанда бировнинг ҳаётида улар билмайдиган нарсалар кўплигини ва ўз ҳаётлари билан яшаш маъқулроқ эканини айтди.

Хонанда Райҳон сунъий интеллект ёрдамида Парижга саёҳат қилди.

Фото: Инстаграм Актриса Феруза Норматова турмуш ўртоғи билан асал ойига учиб кетди.

Инстаблогер, ҳаваскор хонанда Юнетта Акопян 24 ёшни қаршилаб, блогер дўстларидан совғалар олди.

Фото: Инстаграм Инстаблогер Марям Тиллаева ижтимоий тармоқларда унга негатив изоҳ ёзаётган ҳейтерларга мурожаат қилди. Шунингдек, у ўзини оқлаб яшашдан чарчаганини ҳам айтди.

“Мен ўз блогимда бироз ъақлдан озганъ ва американча фикрлайдиган инсонман. Лекин ҳар куни ўзим ҳақимда шунчалик жирканч гапларни ўқиганим сари бирор контент жойлаштиришни ҳам хоҳламай қолдим. Аммо контент жойлашдан тўхтай олмайман ҳам, чунки мен блогерман, бу менинг ноним. Лекин мукаммал бўлиш жонимга тегди.

Дадамдан бошқа қариндошларимдан мен тубан инсон эканим ҳақида эшитаман. Ҳа, мен зўр эмасман, лекин ўз йўлимни ўзим қуряпман. Тўғри, менга фамилиям ҳам ёрдам берди. Аммо доимий трендда бўлиб туриш, машҳурлардан интервюлар олиш, миллионлаб кўриладиган клиплар суратга олиш учун меҳнат ҳам қиляпман. Мен ўзимни оқлаб яшашдан чарчадим”, дейди у.