Инсонпарварлик ёрдами ходими зилзиланинг «дахшатли» вайронгагарчиликларини тасвирлади

Инсонпарварлик ёрдами ходими зилзила келтириб чиқарган «ҳайратланарли» вайронгарчиликларни тасвирлади

Мерсисайдлик тажрибали инсонпарварлик ёрдами ходими шу ёзда Венесуэлада юз берган иккита ҳалокатли зилзиладан сўнг фавқулодда ёрдамни мувофиқлаштиришга кўмаклашмоқда ва илгари ҳеч қачон бундай нарсани кўрмаганини айтди.

Уирралдаги Хойлейк шаҳридан бўлган Анна Фрейн Жанубий Америкада Офатлар бўйича фавқулодда вазиятлар қўмитасининг (DEC) дастур менежери сифатидаги вазифасини бажармоқда.

DEC вакилининг таъкидлашича, 24 июндаги офатдан сўнг 6 500 киши ҳалок бўлган, 86 000 дан ортиқ киши ҳали ҳам шифохонада даволанишга муҳтож.

Пойтахт Каракасдан туриб BBC Radio Merseyside билан суҳбатда Фрейн гуманитар инқирозга учраган жойларга маҳаллий ёрдам гуруҳлари билан ишлаш учун теш-тез бориб туришини, аммо «илгари бу даражадаги вайронгарчиликни кўрмаганини» айтди.

Унинг сўзларига кўра, етказилган зарар миқёси «шунчаки ҳайратланарли» ва «бу даражадаги вайронгарчиликни кўриш ҳақиқатан ҳам жуда ларзага солувчидир».

Фрейннинг таъкидлашича, «умид туйғуси бор, аммо, албатта, Венесуэла халқи жуда матонатли, чунки бу мавжуд инқироз устига келган инқироз эди, шунинг учун улар ҳаракатни давом эттиришдан бошқа чоралари йўқлигини тушунишади».

У, шунингдек, одамлар бирлашаётганини ва бир-бирларини қўллаб-қувватлаётганини қўшимча қилди.

Фрейн энг кўп талафот кўрган Ла-Гуайра ҳудудида «биноларнинг 80 фоизгача қисми оғир даражада шикастлангани ёки вайрон бўлганини» айтди.

У «шунчаки бу даражадаги вайронгарчиликни кўриш ҳақиқатан ҳам жуда ларзага солувчи... бу мен илгари ҳеч қачон кўрмаган жуда мураккаб вазият» эканини билдирди.

Фрейннинг айтишича, одамлар ўзлари яшаган кўп қаватли уйларнинг бузилишини кутиб туришибди ва «одамлар бундан ўзига келиши учун узоқ вақт керак бўлади», шунингдек, «ушбу иккита йирик зилзила юз берганда улар бир лаҳзада ишларини ва ҳамма нарсаларини йўқотдилар».

Шу сабабли, DEC томонидан икки йил давомида кўрсатиладиган ёрдам одамларнинг қайта оёққа туриб олишига ёрдам беришда жуда муҳим аҳамиятга эга, дея қўшимча қилди у.

DEC Буюк Британиянинг 15 та етакчи хайрия ташкилотини бирлаштиради.

Фрейннинг айтишича, Венесуэладаги зилзила муносабати билан қилинган мурожаат бўйича 23 миллион фунт стерлингдан ортиқ маблағ йиғилган.

У ушбу маблағлар маҳаллий аҳолини озиқ-овқат ва тиббий ёрдам билан таъминлашга, шунингдек, мактаблар ва жамоаларда сув тизимларини тиклашга ёрдам бераётганига шахсан гувоҳ бўлганини айтди.

Хойлейклик Анна Фрейн Венесуэладаги вайронгарчилик даражасини кўриш жуда ларзага солувчи бўлганини айтди

Фрейн илгари Мьянмада 2025 йилда юз берган зилзила ва Украинадаги фавқулодда вазиятларга ёрдам кўрсатишда ишлаганини билдирди.

Унинг айтишича, бундай гуманитар инқирозлар оқибатларини кўриш унга ҳаётда барча асосий эҳтиёжлари қондирилгани учун «қанчалик бахтли» эканига «бутунлай янгича назар» берган.

Унинг бундай хайрия ташкилотлари билан ҳамкорлиги мактабда ўқиб юрган кезларида CAFOD — Чет элларда ривожланиш бўйича католик агентлиги учун маблағ йиғишни бошлаганидан бошланган.

Кейинчалик у DEC га қўшилишдан олдин улар учун ишлаган.

Фрейн бу унга «биз глобал ҳамжамият эканимизни ва офат юз берганда ёрдам бериш учун нима қила олишимизни англаш туйғусини» берганини айтди.

Зилзилалардан бир ой ўтиб ҳам венесуэлаликлар ҳамон яқинларини ва саволларига жавоб изламоқда

Буюк Британия хайрия ташкилотлари Венесуэладаги зилзилалар муносабати билан ёрдам кампаниясини бошлашди