Инсон ва робот октагонда жанг қилди
Тармоқларда тарқалган видеода робот блогерни бир зарба билан йиқитгани акс этган. Хабар қилинишича, бир нечта оғир зарбаларни қабул қилган блогернинг қўли синган.
Инсон ва робот октагонда тўқнашди
Сан-Франсискода «инсоннинг робот-терминаторга қарши илк жанги” деб номланган воқеа бўлиб ўтди.
Блогер Френки Лапенна бўйи 183 сантиметрли одамсимон роботга қарши жанг қилди.
Тармоқларда тарқалган видеода робот блогерни бир зарба билан йиқитгани кўринади. Хабарларга кўра, бир нечта оғир зарбаларни қабул қилган блогернинг қўли синган.
Мазкур жанг РЕК (Робот Энтертаинмент Комбат) компанияси томонидан ташкил этилди. Компания роботлар жангини кўнгилочар спорт тури сифатида ривожлантириш билан шуғулланади.
Ташқи кўриниши машҳур “Терминатор”ни эслатувчи ЭнгинеАИ Т800 номли ушбу роботнинг нархи 100 000 доллар атрофида. Қайд этилишича, РЕК жангларида қатнашадиган роботлар автоном эмас, улар оператор томонидан бошқарилади.