Илон Маск SpaceX акциялари ўсишидан кейин дунёнинг энг бой одами мақомини қайтариб олди
Илон Маск SpaceX акциялари ўсиши ортидан яна дунёнинг энг бой одамига айланди
Илон Маскнинг бойлиги SpaceX ва Tesla акциялари ўсиши туфайли яна 1 триллион доллардан ошди. Шу тариқа, тадбиркор дунёнинг энг бой одами мақомини қайтариб олди, у ушбу мақомга илк бор июнь ойида SpaceX биржага чиққанидан кейин эришган эди.
Forbes баҳолашига кўра, 5 октябрь куни эрталаб Маскнинг бойлиги бир кунда 30,6 миллиард долларга кўпайиб, 1 триллион долларга етди. Рейтингда иккинчи ўринни 371,5 миллиард доллар бойлик билан Amazon асосчиси Жефф Безос эгаллаб турибди.
5 октябрдаги савдолар бошида SpaceX акциялари 5 фоиздан кўпроққа ошиб, бир акция учун 167 долларни ташкил этди. Tesla котировкалари ҳам 1 фоиздан кўпроққа кўтарилди.
SpaceX акцияларининг ўсиши Morgan Stanley таҳлилчилари компания қимматли қоғозлари баҳоси пасайтирилган бўлиши мумкинлигини айтганидан кейин юз берди. Ўтган ҳафтада Starship ракетасининг орбитага муваффақиятли учирилиши ҳам қўшимча омил бўлди.
Tesla акцияларини эса, ўз навбатида, учинчи чоракдаги автомобилларни етказиб бериш ҳақидаги маълумотлар қўллаб-қувватлади. Кўрсаткичлар таҳлилчилар кутганидан юқори бўлди ва фақат жума кунининг ўзида Маскнинг бойлигини тахминан 61 миллиард долларга оширишга ёрдам берди.
Маск илк бор июнь ойида Nasdaq биржасида SpaceX акциялари савдоси бошланганидан кейин триллионерга айланган эди, бироқ бир неча кундан кейин SpaceX ва Tesla котировкалари тушиши сабабли бу мақомини йўқотганди. Сўнгги ҳафталарда иккала компания акциялари ўсиши фонида унинг бойлиги яна 1 триллион долларлик белгига яқинлашиб қолган эди.
Forbes баҳолашига кўра, Маск бойлик миқдори бўйича ўзидан кейинги ўринда турган Жефф Безосни сезиларли даражада ортда қолдириб, дунёнинг энг бой одами бўлиб қолмоқда.