«Икс одамлар» юлдузи Патрик Стюарт 86 ёşида вафот этди
«Икс одамлар» филмларида профессор Çарлз Ксавьер ва «Юлдузли йöл» сериалида капитан Жан-Люк Пикар образларини яратган британиялик актёр Патрик Стюарт 86 ёşида вафот этди. У 28-октабр куни Лос-Анжелесдаги уйида оиласи ва дöстлари даврасида ҳаётдан кöз юмган.
«Икс одамлар» юлдузи Патрик Стюарт 86 ёшида вафот этди
Актёрнинг оиласи ижтимоий тармоқларда эълон қилган баёнотда Стюарт сўнгги пайтларда Алсгеймер касаллиги ва Леви таначалари билан боғлиқ деменсиядан азият чекканини айтган. Унинг сўнгги кунларида рафиқаси ва яқинлари ёнида бўлган.
Патрик Стюарт 1940-йилда Англиянинг Ғарбий Ёркшир графлигида туғилган. У актёрлик фаолиятини ёшлигидан бошлаган ва 1966-йилда нуфузли Қироллик Шекспир театри труппасига қўшилган.
Унга жаҳон миқёсидаги шуҳратни «Юлдузли йўл: Кейинги авлод» сериалидаги капитан Жан-Люк Пикар роли олиб келган. Кейинчалик актёр «Икс одамлар» филмларида профессор Чарлз Ксавьер образини гавдалантириб, янада кенг аудиторияга танилган.
2010-йилда Буюк Британия қироличаси Елизавета ИИ Стюартни рицарлик унвони билан тақдирлаган.
Стюарт актёрликдан ташқари ижтимоий масалалардаги фаоллиги билан ҳам танилган. У оилавий зўравонлик муаммосига ва уруш фахрийларининг руҳий саломатлигига жамоатчилик эътиборини қаратишга ҳаракат қилган. Шунингдек, қочоқларни қўллаб-қувватлаган ва ҳайвонлар ҳуқуқларини ҳимоя қилган.
«Юлдузли йўл»да капитан Жеймс Кирк ролини ижро этган канадалик актёр ва ёзувчи Уилям Шетнер ҳамкасбининг вафоти муносабати билан Х ижтимоий тармоғида ҳамдардлик билдирган.
«Сер Патрик Стюарт дўст, ҳамкасб ва ажойиб актёр эди. Театр саҳнасидан тортиб “Энтерпрайз” кемасининг капитанлик кўпригигача у ақл-заковат, нафосат ва чуқур инсонийликни намоён этди», - деб ёзган Шетнер.
Унинг таъкидлашича, капитан Пикар инсондаги энг яхши фазилатларни ўзида мужассам этган ва бу образни яратган Стюартнинг ўзи ҳам шундай инсон бўлган. Шетнер марҳумга ва унинг ижодига чексиз меҳр ҳамда ҳурмат билан қараганини билдирган.