Икки астероидга ўзбекистонлик олимлар номи берилди
Ўзбекистонлик икки олим шарафига астероидларга Камолергашев ва&нбсп;Отабекбуркҳонов номлари берилди. Қарор Халқаро астрономия иттифоқи томонидан тасдиқланди. Улар Фанлар академияси Астрономия институтида фаолият юритиб, астероидлар ва&нбсп;бошқа осмон жисмларини тадқиқ этиш билан шуғулланади.
Ўзбекистонлик олимларга астероидлар номи берилди
Ўзбекистон Фанлар академияси Астрономия институти ходимлари Камолиддин Эргашев ва Отабек Бурхоновнинг исмлари икки кичик сайёра — астероидга берилди. Бу ҳақда Фанлар академияси маълум қилди.
Халқаро астрономия иттифоқининг Кичик жисмлар бўйича қўмитаси (ВГСБН) томонидан бу қарор 9-июлда эълон қилинди.
Янги номлар ВГСБН бюллетенининг 6-жилд, 11-сонида келтирилган. Эндиликда халқаро астрономик каталогларда ушбу осмон жисмлари (131358) Камолергашев ва (121339) Отабекбуркҳонов номлари билан қайд этилади.
Дастлаб 2001 КА2 рақами билан рўйхатга олинган астероид 2001-йил 19-майда Чехиядаги Ондржеёв обсерваториясида чех астрономлари томонидан кашф этилган. Ушбу астероид Камолиддин Эргашев шарафига номланган.
Расмий изоҳда Камолиддин Эргашев 2007-йилда Астрономия институтининг Астероидлар тадқиқотига қўшилганини ва 2024-йилда шу йўналишда фалсафа доктори (ПҳД) илмий даражасини олганини таъкидланган. Унинг илмий фаолияти астероидлар фотометрияси, равшанлик эгри чизиқларини таҳлил қилиш, астероидларнинг физик хусусиятларини аниқлаш, шунингдек, астероид жуфтликлари, кластерлари ва қўшалоқ астероид тизимларини кузатишга қаратилган.
1999 ТО15 вақтинчалик белгиланишига эга бўлган астероид 1999-йил 13-октабрда чехиялик астрономлар томонидан кашф этилган. Ушбу астероид Отабек Бурхонов шарафига номланган.
Расмий изоҳда Отабек Бурхонов 2000-йилдан буён Улуғбек номидаги Астрономия институтида фаолият олиб бораётган астроном сифатида қайд этилган. У 2005-йилда фан номзоди илмий даражасини олган. Олимнинг тадқиқотлари оптик фотометрияга бағишланган бўлиб, астероидларнинг равшанлик эгри чизиқларини ўрганиш, ўзгарувчан юлдузлар, гравитацион линзаланган квазарлар ҳамда Майданак обсерваториясида гамма-чақнашларнинг кейинги оптик кузатувларини қамраб олади.
Фанлар академияси таъкидлашича, астероидларга олимларнинг исмини бериш уларнинг илмий фаолияти ва фан ривожига қўшган ҳиссасини халқаро миқёсда эътироф этишнинг ўзига хос шаклидир. Тасдиқланган номлар халқаро астрономик номенклатурага киритилади ва келгусидаги илмий мақолалар, каталоглар ва эфемеридаларда обьектларнинг расмий номи сифатида қўлланади.
Аввалроқ Камолиддин Эргашев ва Отабек Бурхонов астероид орбитасини мақсадли равишда ўзгартиришга қаратилган сайёравий ҳимоя тажрибаси - ДАРТ миссиясида қатнашгани учун НАСА томонидан Гроуп Ачиевемент Авард мукофоти билан тақдирланган эди.
Халқаро астрономия иттифоқи 2012-йилда №22948 кичик сайёра - астероидга “Майданак” номини берган.
Халқаро астрономия иттифоқи мунтазам равишда кичик сайёраларга, жумладан, илм-фанга ҳисса қўшган тадқиқотчилар шарафига ном беради. Бунда ҳар қандай кашф этилган астероид эмас, балки орбитаси ишончли аниқланган ва доимий рақам берилган обьектгина ном олиши мумкин. Шундан сўнг ном белгиланган тасдиқлаш тартибидан ўтади. Кичик осмон жисмларига ном бериш бўйича расмий орган ИАУънинг ВГСБН ищи гуруҳи ҳисобланади.
Бугунги кунга келиб, тахминан 26,4 мингта кичик сайёра расмий номга эга.