ИИВда хизматга қабул қилиш тартибига ўзгартириш киритилмоқда
Ички ишлар органларида хизматга номзодларни танлаб олиш тартибига ўзгартириш киритиш таклиф этилмоқда. Лойиҳага кўра, жамоат хавфсизлиги авиацияси ва ахборот технологиялари бўлинмаларига ишга кирмоқчи бўлган тегишли соҳа мутахассисларига ўрганиш босқичида антропометрик параметрлар татбиқ этилмайди. Уларнинг соғлиғи умумий хизматга яроқлилик талаблари асосида баҳоланади.
ИИВ хизматига қабул қилиш тартибига ўзгартиришлар киритилмоқда.
Ички ишлар органларида хизматга номзодларни танлаб олиш ва ўтказиш тартиби тўғрисидаги йўриқномага қўшимча ва ўзгартиришлар киритиш бўйича лойиҳа тайёрланди.
Ушбу лойиҳа ИИВ тизимидаги жамоат хавфсизлиги авиацияси мутахассисларини хизматга қабул қилиш жараёнига оид махсус қоидаларни жорий этишни назарда тутади.
Хусусан, йўриқноманинг тегишли бандидаги мутахассисликлар рўйхатига "юридик таъминлаш"дан сўнг "жамоат хавфсизлиги авиацияси" йўналишини ҳам киритиш таклиф этилган.
Бундан ташқари, жамоат хавфсизлиги авиацияси ва ахборот технологиялари бўлинмаларига хизматга кириш истагини билдирган ва ушбу соҳаларда мутахассис бўлган номзодларни ўрганиш тартибига аниқлик киритилмоқда.
Таклиф этилаётган тартибга кўра, бундай номзодлар ўрганиш босқичидан антропометрик параметрлар қўлланилмаган ҳолда ўтадилар. Уларнинг соғлиғи ички ишлар органларида умумий хизматга яроқлилик даражасига қўйиладиган талаблар асосида баҳоланади.
Шундай қилиб, агар лойиҳа қабул қилинса, жамоат хавфсизлиги авиацияси ва ахборот технологиялари соҳасидаги мутахассисларни ички ишлар органларининг тегишли бўлинмаларига хизматга қабул қилишда антропометрик кўрсаткичларга оид талаблар қўлланилмайди.
Ҳужжат ҳозирча лойиҳа ҳолатида бўлиб, ундаги нормалар белгиланган тартибда қабул қилинганидан кейин кучга киради.