Ҳонда Супер-Оне электромобили Австралияда кутилмаган онлайн-хитга айланди
Япониянинг Ҳонда компанияси томонидан ишлаб чиқилган Супер-Оне кичик электромобили Австралияда катта қизиқиш уйғотди.
Ҳонда Супер-Оне электромобили Австралияда кутилмаганда онлайн хитга айланди. 2026-йил учун ажратилган 130 дона автомобилдан иборат дастлабки партия тўлиқ сотиб бўлинди.
Моделнинг бошланғич нархи 36 900 Австралия долларини, яъни тахминан 306 млн сўмни ташкил этади. Бир марта қувватланганда 202 километргача йўл босадиган электромобил 70 кВт қувватга эга.
Супер-Оне ретро услубдаги дизайни, думалоқ фаралари ва ихчам ўлчамлари билан ажралиб туради. Компания ҳайдашни янада қизиқарли қилиш учун унга узатмалар алмашишини имитация қилиш ҳамда сунъий мотор овозини чиқариш каби функсияларни ҳам қўшган.
Шу билан бирга, электромобил нисбатан юқори нархи ва чекланган юриш масофаси сабабли узоқ сафарлар учун эмас, асосан шаҳар ичида фойдаланишга мўлжалланган.