Ҳолливудда улкан бирлашув: Парамоунт ва Варнер Брос. ягона медиагуруҳга айланди
Парамоунт Скйдансе рақиби Варнер Брос. Диссоверйъни қарийб 110 млрд долларга сотиб олиш жараёнини якунлади. Скйдансе деб номланадиган бирлашган медиагуруҳ СБС билан бирга СНН телеканалини ҳам назорат қилади.
Ҳолливудда йирик қўшилиш юз берди: Парамоунт ва Варнер Брос. энди ягона медиагуруҳга айланди. Парамоунт 6-октабр куни битим якунланганини маълум қилди. Бу АҚШ медиаиндустрияси тарихидаги энг катта бирлашувлардан бири саналади.
Битимни якунлаш йўлидаги охирги тўсиқ бир неча кун олдин олиб ташланган эди: Калифорниядаги судя компаниянинг 12 штат билан тузган келишувини тасдиқлаган.
Мазкур штатлар икки йирик киностудиянинг бирлашуви рақобатни чеклаб қўйиши мумкинлигидан хавотирланиб, битимга қарши чиққан эди. Келишувга кўра, Парамоунт АҚШ ҳудудида кино ишлаб чиқаришга қўшимча сармоя киритиш мажбуриятини олган.
Эндиликда янги медиагуруҳ олдида компаниялар фаолиятини бирлаштириш ва ўнлаб миллиард долларлик қарзларни тўлаш вазифаси турибди. Ҳолливудда битимдан сўнг иш ўринлари оммавий қисқариши мумкинлиги борасида хавотирлар билдирилмоқда.
Бирлашувнинг сиёсий оқибатлари, айниқса СНН таҳририй мустақиллигига таъсири ҳам баҳс-мунозараларга сабаб бўлмоқда.
Парамоунт 2025-йилдан бери технологик миллиардер Ларри Эллисон оиласи назоратида. Орасле корпорацияси асосчиси бўлган Эллисон АҚШ президенти Доналд Трампни бир неча бор очиқ қўллаб-қувватлаган ва унинг сайлов кампаниясига маблағ ажратган.
Парамоунт илгари СБС телеканалига эгалик қилган. Трамп эса СНН'ни ўзи ва маъмурияти ҳақида ёлғон хабарлар тарқатишда бир неча бор айблаган.
Шу боис битим атрофидаги муҳокамалар фақат кино бозоридаги рақобат билан чекланиб қолмаяпти. Йирик ахборот телеканалларининг бир мулкдор назоратида жамланиши ва уларнинг таҳририй мустақиллигини сақлаш масаласи ҳам диққат марказида турибди.