Ҳокимлар энди ҳафтада 3 кун камбағаллик ва бандлик масалалари билан шуғулланади
Ҳокимлар энди ҳафтада 3 кун камбағаллик ва бандлик масалалари билан шуғулланади
Ўзбекистонда камбағаллик билан ишлаш бўйича янги тизим жорий этилади. Бу ҳақда 3-сентябр куни Шавкат Мирзиёев раислигида камбағалликни қисқартириш ва аҳоли даромадини ошириш бўйича ишларни янги босқичга олиб чиқиш масалалари муҳокамасига бағишланган йиғилишда маълум қилинди.
Мазкур тизимга кўра:
- “маҳалла еттилиги” учун масъул раҳбарлар, вилоят ва туман ҳокимлари ҳамда банклар кучайтирилган иш режимига ўтади;
- ҳар бир вилоят ва туманда ҳоким бощилигида штаблар ташкил этилади;
- банклар ва бандликка кўмаклашиш идоралари ушбу штабларга жойлардаги масалаларни ҳал этишда ёрдам беради;
- вилоят, туман ва шаҳар ҳокимлари бутун иқтисодий комплекс билан ҳафтада уч кун фақат камбағаллик ва бандлик масалалари билан шуғулланади.
Йиғилишда камбағаллик даражаси пасайиб, эҳтиёжманд аҳоли сони камайгани, бироқ айрим маҳаллаларни ишсизлик ва камбағалликдан холи ҳудудга айлантириш бўйича масъуллар фаолиятида натижа етарли эмаслиги айтилганди. Шавкат Мирзиёев айрим ҳудуд раҳбарлари одамларни ишли қилишга билими ёки тоқати етмаётганини танқид қилганди.