Ҳиндистон Ўзбекистон аччиқ қалампири ва анорлари импортига рухсат берди
Ҳиндистон белгиланган фитосанитария талабларига риоя қилинган тақдирда Ўзбекистондан янги узилган чили қалампири ва анор импорт қилишга рухсат берди. Бу қарор Ҳиндистон Бош вазири Нарендра Модининг 29–30 август кунлари Ўзбекистонга амалга оширган давлат ташрифидан кўп ўтмай қабул қилинди. 31 август куни Ҳиндистон Қишлоқ хўжалиги ва фермерлар фаровонлиги вазирлиги фитосанитария хавфларини бошқариш тизими доирасида Ўзбекистон маҳсулотларини киритиш тўғрисида билдиришнома эълон қилди. Янги узилган чили қалампири етказиб бериш учун […]
Ҳиндистон Ўзбекистон аччиқ қалампири ва анорларини олиб киришга рухсат берди
Ҳиндистон белгиланган фитосанитария талабларига риоя қилинган ҳолда Ўзбекистондан янги узилган аччиқ қалампир ва анор импорт қилишга рухсат берди. Ушбу қарор Ҳиндистон Бош вазири Нарендра Модининг 29–30 август кунлари Ўзбекистонга амалга оширган давлат ташрифидан кўп ўтмай қабул қилинди.
31 август куни Ҳиндистон Қишлоқ хўжалиги ва фермерлар фаровонлиги вазирлиги фитосанитария хавфларини бошқариш тизими доирасида Ўзбекистон маҳсулотларини олиб киришга рухсат бериш тўғрисида билдиришнома эълон қилди.
Янги узилган аччиқ қалампир етказиб бериш учун помидор занг канаси ва помидор меваларининг жигарранг буришиш вируси йўқлигини тасдиқлаш зарур. Бундан ташқари, маҳсулот туркумлари тупроқ ва ўсимлик қолдиқларидан тозаланган бўлиши керак.
Анор учун алоҳида талаблар назарда тутилган. Маҳсулот таркибида тупроқ, бегона ўтлар уруғлари ва ўсимлик қолдиқлари бўлмаслиги лозим. Шунингдек, беҳи куяси, Европа узум барг ўровчиси, Комсток қурти ва кулранг чириш каби бир қатор зараркунандалар ҳамда касалликлардан холи эканлиги тўғрисидаги сертификат талаб этилади.
Ҳиндистон бозорига чиқиш Ўзбекистон қишлоқ хўжалиги маҳсулотлари экспорти учун қўшимча имкониятлар очади ва икки мамлакат ўртасидаги агроозиқ-овқат савдосини кенгайтиради.
Ҳиндистон аччиқ қалампир етиштириш ва истеъмол қилиш бўйича дунёдаги энг йирик давлатлар қаторига киради. Шу билан бирга, мамлакатда етиштириладиган маҳсулотнинг асосий қисми ички бозорга йўналтирилади, Ҳиндистон зираворлар экспортининг қарийб 31 фоизи эса аччиқ қалампир ҳиссасига тўғри келади.
Ўзбекистон аччиқ қалампири ва анорларини Ҳиндистон бозорига олиб киришга рухсат бериш тўғрисидаги қарор Ўзбекистон ва Ҳиндистон ўртасидаги иқтисодий ва аграр ҳамкорлик фаоллашган бир пайтда қабул қилинди.