Ҳиндистон бош вазири давлат ташрифи билан Ўзбекистонга келади
Ҳиндистон Бош вазири Нарендра Моди Ўзбекистонга давлат ташрифи билан келади.
Президент Шавкат Мирзиёевнинг таклифига биноан, Ҳиндистон Бош вазири Нарендра Моди 29-30-август кунлари Ўзбекистонда бўлади.
Президент матбуот хизмати хабарига кўра, бўлажак музокараларда Ўзбекистон-Ҳиндистон стратегик шериклик муносабатларини янада ривожлантириш ва мустаҳкамлаш, шунингдек, кўп қиррали ҳамкорликни кенгайтириш масалалари муҳокама қилинади.
Музокараларда тизимли сиёсий мулоқотни ва маданий-гуманитар алмашинувни кенгайтириш, савдо, энергетика, кимё, геология, соғлиқни сақлаш, фармацевтика, қишлоқ хўжалиги, машинасозлик ва иқтисодиётнинг бошқа тармоқларида аниқ дастурлар ва кооперация лойиҳаларини илгари суришга устувор эътибор қаратилади. Шунингдек, халқаро сиёсат ва минтақавий кун тартибининг долзарб масалалари, кўп томонлама тузилмалар доирасидаги ҳамкорлик юзасидан фикр алмашилади.
Учрашув якунида икки томонлама ҳужжатларнинг салмоқли тўпламини имзолаш режалаштирилган.
Ҳиндистон Бош вазири Нарендра Моди Ўзбекистонга аввал уч маротаба ташриф буюрган. У биринчи марта 2015-йил июлида келган ва ўшанда Ҳиндистон Ўзбекистон билан алоқаларни кенгайтиришдан манфаатдорлигини билдирган эди. 2016-йил июнида Шанхай Ҳамкорлик Ташкилоти саммитида иштирок этиш учун Тошкентга келган. 2022-йил сентябрида эса ШҲТнинг Самарқанд саммитида иштирок этиш учун ташриф буюрган. 2026-йилги ташрифи унинг Ўзбекистонга тўртинчи ташрифи бўлади.