Ҳайвонлар босқини, 3,5 соатлик грим, сунъий тўлқинлар: “Жуманжи” филми қандай суратга олинган?

Ҳайвонлар ҳужуми, 3,5 соатлик грим, сунъий тўлқинлар: “Жуманжи” филми қандай суратга олинган?

“Жуманжи” филми жунглдаги хавф-хатарларни ҳақиқий дунёга олиб чиқишга қодир бўлган ғаройиб стол ўйини ҳақида ҳикоя қилади. 1969-йилда ўсмир Алан Парриш ўйинни топиб олади ва дугонаси Сара билан бирга ўйнай бошлайди, бироқ тез орада ўйин ичида йўқолиб кетади. 26 йил ўтгач, эски уйдан “Жуманжи”ни топиб олган Жуди ва Питер исмли болалар туфайли Алан қайтиб келади. Энди қаҳрамонлар кўп йиллар аввал бошланган ўйинни тугатишлари, шунингдек, ёввойи ҳайвонлар ҳужуми, табиий офатлар ва ақлдан озган овчи Ван Пелтдан омон қолишлари керак.

Робин Уилямс ссенарийнинг дастлабки вариантини кўргач, суратга тушишдан бош тортган. Режиссёр Жо Жонстон ҳамда ссенарийнавислар Грег Тейлор, Жим Стрейн ва Крис Ван Оллсберг ҳикояни қайта ишлаганидан кейингина актёр бу ролга рози бўлган. Шу билан бирга, “ТриСтар Пистурес” студияси лойиҳани фақат бош ролни Уилямс ижро эца, молиялаштиришга тайёр эди.

Жонстон актёрнинг импровизация қилишидан хавотирланган. Охир-оқибат улар муросага келишди: Уилямс аввал саҳналарни ссенарий бўйича ижро этар, кейин эса қўшимча дубллар ёзилиб, уларда импровизация қилиши, жумладан, Бонни Ҳант билан бирга ўйнаши ҳам мумкин эди.

1995-йилда филм суратга олинаётганда махсус эффектлар жамоаси бир вақтнинг ўзида бир нечта технологиядан фойдаланган.

Амалгаматед Дйнамисс компанияси ҳайвонларнинг механик ва анимацион моделларини тайёрлади, Индустриал Лигҳт & Магис эса рақамли қаҳрамонларни яратди. Филм учун ИЛМ мутахассислари иккита янги дастур ишлаб чиқди: иСсулпт компютер ҳайвонларининг мимикасини яратишга ёрдам берди, бошқа технология эса жунни реалистик кўрсатиш имконини берди.

Бу ёндашув суратга олиш майдончасидаги жисмоний обьектларни каркидонлар, филлар, маймунлар ва Жуманжининг бошқа жонзотларининг рақамли подалари билан бирлаштириш имконини берди.

Перришлар қасри бир вақтнинг ўзида бир нечта кўринишда мавжуд эди. Суратга олиш учун алоҳида хоналар, фасадлар ва уйнинг йирик қисмлари яратилди, интерьерларнинг бир қисми эса Ванкувер атрофидаги павилёнларда қурилди.

Айниқса, уйнинг вайрон бўлиш саҳнаси жуда мураккаб бўлган. Бу эпизод учун ИЛМ мовий экран фонида суратга олинган қасрнинг катта моделини ясади. Натижада томошабин ўйиндаги воқеалар таъсирида бино том маънода қулаб тушаётганини кўради.

Ўйиндаги тропик жала ҳақиқий сув тошқинига айланиши керак эди. Шу сабабли бу эпизод учун катта ҳажмдаги сувни бошқариш мумкин бўлган махсус павилёнлар қурилди.

Ёмғир ва тўлқинлар сунъий равишда яратилди, кейин материал визуал эффектлар билан тўлдирилди. Бу усул актёрларга яшил экран олдида сувни тасвирлаш ўрнига, у билан бевосита ўзаро таъсир қилиш имконини берди.

Филмнинг энг кўламли саҳналаридан бири — ҳайвонларнинг шаҳар бўйлаб қочиши — ҳам бир неча таркибий қисмдан йиғилган. Суратга олиш майдончасида декорациялар ва махсус конструксиялар ишлатилган, ҳайвонларнинг ўзи эса кейинроқ компютер графикаси ёрдамида қўшилган.

Масалан, пода ва автомобил иштирокидаги эпизод учун махсус эффектлар жамоаси пачақлаш мумкин бўлган ҳақиқий машина тайёрлаган, сўнгра рақамли аниматорлар бу вайронагарчиликни компютерда яратилган фил ҳаракати билан синхронлаштирган.

Асосий суратга олиш ишлари 1994-йил 14-ноябрда бошланган ва 1995-йил 7-апрелда якунланган. Ишлар бир вақтнинг ўзида АҚШ ва Канаданинг бир нечта ҳудудларида олиб борилган.

Асосий суратга олиш майдончаси Ню-Гемпширдаги Кин шаҳри бўлган. Унинг кўчалари хаёлий Брентфордни гавдалантирган — бу ерда шаҳар билан боғлиқ кўплаб саҳналар, жумладан, ҳайвонларнинг оммавий бостириб кириши суратга олинган.

Яна бир муҳим локация Мейн штатидаги Норт-Бервик бўлган. У ердаги эски Олде Воолен Милл фабрикаси Перришлар оиласининг поябзал фабрикаси сифатида ишлатилган. Қўшимча суратга олиш ишлари Британия Колумбиясида ҳам бўлиб ўтган: Ванкувер ва унинг атрофида уй декорациялари қурилган, айрим шаҳар эпизодлари эса Саввассенда суратга олинган.

Филм учун тахминан 65 миллион доллар сарфланган. 1990-йилларнинг ўрталаридаги оилавий саргузашт филми учун бу катта бюджет эди, буни махсус эффектлар кўлами ва кўплаб мураккаб саҳналар билан изоҳлаш мумкин.

Картинанинг бутун дунё бўйлаб йиғган даромади тахминан 262,8 миллион долларни ташкил этди ва филм 1995-йилнинг энг кассабоп ўнта филми қаторидан жой олди.

“Жуманжи”нинг мураккаблиги фақат фантастик ҳайвонларни яратишда эмас эди. Жамоа бир вақтнинг ўзида болалар, мураккаб грим, сув, кенг кўламли декорациялар ва об-ҳаво билан ишлашига тўғри келарди.

Энг кўп вақтни Питер ролини ўйнаган Бредли Пирснинг грими оларди. Қаҳрамоннинг аста-секин маймунга айланиш саҳналари учун актёрга ҳар куни мураккаб протезли грим қилинарди. Бу жараён тахминан уч ярим соат давом этар ва икки ярим ойга чўзилганди.

Яна бир муаммо турли суратга олиш майдонларини ягона дунёга бирлаштириш зарурати эди. Янги Англиядаги табиий манзаралар Канададаги павилён саҳналари ва декорациялари билан уйғунлаштирилди, шунинг учун кўчадан тортиб уй интерьеригача бўлган ҳар бир унсур битта шаҳарнинг қисми каби кўриниши керак эди.

Ҳайвонлар ёпирилиб келадиган саҳналар учун Кин кўчаларини оммавий суратга олиш ва вайронагарчилик декорациялари билан тайёрлашга тўғри келди. Шу билан бирга, бу эпизодлардаги ҳайвонларнинг ўзи визуал эффектлар босқичида қўшилган.

Бош қаҳрамон Алан Парриш ролини Робин Уилямс ижро этган. Унинг қаҳрамони болалигида ўйин ичида йўқолади ва 26 йил ўтгач, ҳақиқий дунёга катта ёшли одам бўлиб қайтади.

Аланнинг дўсти Сара Уиттл ролини Бонни Ҳант ижро этган. Унинг қаҳрамонининг болалигини эса Лаура Белл Банди гавдалантирган.

Жуди Шепард ролини Кирстен Данст, унинг укаси Питер ролини эса Бредли Пирс ижро этган. Данст учун “Жуманжи” “Вампир билан интервю” филмидан кейинги дастлабки йирик роллардан бири бўлган, Пирс эса бу филмгача асосан дубляж соҳасидаги ишлари билан танилган эди.

Жонатан Хайд бир вақтнинг ўзида иккита қаҳрамон — Аланнинг отаси Семюел Перриш ва овчи Ван Пелт ролларини гавдалантирган. Ижодкорларнинг бу қарори икки қаҳрамонни нафақат визуал жиҳатдан боғлайди: Ван Пелт катта ёшли Алан учун унинг ўтмиши ва оилавий тарихининг ўзига хос тимсолига айланади.

Филмда, шунингдек, полициячи Карл Бентли ролида Девид Алан Грир, Нора хола ролида Биби Нювирт ва Аланнинг онаси ролида Патриша Кларксон суратга тушган.

“Жуманжи” анча ихчамроқ ҳикоя сифатида бошланган эди. Китоб муаллифи Крис Ван Олсбургнинг айтишича, у дастлаб экранлаштиришни “Сумерки зонаси”нинг кенгайтирилган эпизодига ўхшаш нарса сифатида тасаввур қилган. Бироқ Жо Жонстон ундан каттароқ саргузашт филми яратмоқчи бўлади, шундан сўнг ссенарий бир неча бор қайта ёзилади.

Филм учун янги рақамли технологиялардан фойдаланишга тўғри келди. ИЛМ ҳайвонларнинг мимикаси ва жуни учун махсус воситалар яратди, чунки ўша пайтда рақамли жунни реалистик тасвирлаш жиддий техник вазифа бўлиб қолаётган эди.

Суратга олиш майдончасида фақат компютерда яратилган ҳайвонлардан фойдаланилмаган. Филм учун ҳайвонларнинг тўлиқ ўлчамли механик моделлари ва бошқа жисмоний элементлар яратилиб, кейин улар рақамли графика билан уйғунлаштирилган. Шунинг учун “Жуманжи”нинг кўплаб саҳналари бугун ҳам ишонарли кўринади: уларда рақамли эффектлар бўшлиқда эмас, балки реал обьектлар билан ўзаро таъсирда ишлайди.

Тўқима шаҳарнинг номи реал Кин шаҳрида сақланиб қолган. Суратга олиш ишлари тугагач, шаҳар деворларидан бирида филм учун махсус яратилган Парриш Шоес пешлавҳаси сақланиб қолган. Бугунги кунда у маҳаллий аҳоли ва сайёҳларга филм суратга олинганини эслатиб туради.

Филмнинг нафақат сиквели, балки бутун бошли франшизаси ҳам пайдо бўлди. Асл филмдан кейин анимацион сериал чиқди, сўнгра “Затура”, “Жуманжи: Чангалзор чорлови” ва “Жуманжи: Янги босқич” каби филмлар пайдо бўлди. Шу билан бирга, Дуейн Жонсон иштирокидаги филмлар ўйин консепсиясининг ўзини сезиларли даражада қайта кўриб чиқди.