Ҳайратда қолдириш бўлса, ҳайратда қолдириш-да
Қирғизистонда дунёдаги энг узун шиша кўприк қурилади
Ҳайратда қолдирсанг, шунчалик бўлса-да
Қирғизистондаги «Ала-Арча» миллий паркида узунлиги 732 метр бўлган ойнаванд осма кўприк қуриш режалаштирилмоқда. Қурилиш якунлангач, у дунёдаги бундай турдаги энг узун иншоотга айланиши мумкин.
Лойиҳа ҚР Президенти Иш бошқарувчиси Каныбек Туманбаевнинг паркка ташрифи чоғида муҳокама қилинди. У номи ошкор этилмаган Европа компанияси вакиллари билан учрашди. Учрашув иштирокчилари, шунингдек, қурилиш учун танланган майдонни кўздан кечиришди.
Ишларни 2026 йилнинг ноябрида бошлаш ва 2027 йил охиригача якунлаш режалаштирилган. Обект фойдаланишга топширилгач, уни Гиннеснинг рекордлар китобига киритиш имконияти кўриб чиқилмоқда.
Кўприкдан ташқари, «Ала-Арча» паркида Тепши платосидан Теке-Тоо тоғи ва шаршарагача бўлган экологик пиёдалар йўналишини барпо этиш ният қилинган. Лойиҳа паркнинг туризм инфратузилмасини кенг кўламли ривожлантиришнинг бир қисмига айланади. Бу ерда аллақачон дор йўли фойдаланишга топширилган, дам олиш уйлари қурилган, беш юлдузли меҳмонхона қурилиши эса якуний босқичда турибди.
Янги объектлар «Ала-Арча»нинг туристик имкониятларини кенгайтириши ва кўпроқ маҳаллий ҳамда хорижий ташриф буюрувчиларни жалб қилиши керак.
Аввалроқ Ўзбекистонлик туристлар учун энг оммабоп хорижий йўналиш Қирғизистон бўлиб қолаётгани ҳақида хабар берилган эди.