Ҳаёт Иноғомов Тошкентнинг Чилонзор тумани ҳокими этиб тасдиқланди
Тошкентнинг Янгиҳаёт туманига қарийб олти йил раҳбарлик қилган Ҳаёт Иноғомов Чилонзор тумани ҳокими этиб тайинланди. У бу лавозимда 2022-йил августидан буён туманни бошқариб келган Саидқаҳҳор Холхўжаевнинг ўрнини эгаллади.
Ҳаёт Иноғомов Тошкентнинг Чилонзор тумани ҳокими этиб тасдиқланди
Ҳаёт Илясович Иноғомов Тошкент шаҳри Чилонзор тумани ҳокими лавозимига тасдиқланди.
Унгача у Янгиҳаёт тумани ҳокими сифатида фаолият юритган ва 2020-йил ноябридан бери, яъни туман ташкил этилган пайтдан бошлаб унга раҳбарлик қилиб келган.
Ҳаёт Иноғомов 1986-йилда Тошкент шаҳрида туғилган. 2006-йилда Тошкент автомобил йўллари институтини, 2008-йилда эса шу олийгоҳ магистратурасини тамомлаган.
У турли йилларда транспорт ва йўл инфратузилмаси соҳаси, шунингдек, давлат бошқаруви тизимида масъул лавозимларда ишлаган.
2020-йил 16-ноябрда Иноғомов Тошкент шаҳрининг Сергели ва Бектемир туманлари, шунингдек, Тошкент вилоятининг бир нечта туманлари ҳудудлари ҳисобидан ташкил этилган Янгиҳаёт туманининг биринчи ҳокими этиб тасдиқланган эди.
Чилонзор тумани ҳокими сифатида у бошқа ишга ўтиши муносабати билан лавозимидан озод этилган Саидқаҳҳор Холхўжаевнинг ўрнини эгаллади.
Холхўжаев Чилонзор туманига 2022-йил августидан буён — тўрт йилдан ортиқ вақт давомида раҳбарлик қилиб келган. У Инвестициялар, саноат ва савдо вазири ўринбосари лавозимини эгаллаши кутилмоқда.