«Ҳар бир хонадонда кутубхона»: Асахий бир миллион хонадонда «кутубхона» қилмоқчи

«Ҳар бир хонадонда кутубхона»: Асахий бир миллион хонадонда «кутубхона» қилишни режалаштирмоқда

Янги уй қурган ёки кўчиб ўтган оила одатда биринчи навбатда нималарни харид қилади? Газ плита, музлаткич, кир ювиш машинаси, телевизор. Бу рўйхатда китоб жавони жуда кам учрайди.

Бунинг сабаби кўпинча маблағда эмас. Одатда китоб жавони ҳанузгача «кўп ўқийдиганлар»га хос буюм, зиёлилик белгиси сифатида қабул қилинади. Музлаткичсиз уйни тасаввур қилиш қийин, китобсиз уй эса ҳеч кимни ҳайратга солмайди.

Ўзбекистондаги энг йирик интернет-дўконлардан бири — Асахий бошлаб берган «Ҳар бир хонадонда кутубхона» ташаббуси айнан шу қарашни ўзгартиришни кўзлайди: уй кутубхонаси музлаткич ва телевизор қаторида ҳар бир оиланинг оддий жиҳозига айланиши керак.

Бу ташаббус китобхонлар учун эмас, аксинча, уйида ҳали китоб жавони бўлмаган оилалар учун ўйлаб топилган. Бундай оилалар учун энг катта тўсиқ — «қайси китобдан бошлаш керак?» деган савол.

Шу сабаб китоблар олдиндан танлаб олиниб, битта тўпламга жамланган. Оила фақат буюртма беради — 50 та китоб эшиккача етказиб берилади.

«Кутубхона» тўплами оилалар эҳтиёжидан келиб чиқиб бир йўналишни қамраб олади.

Ўзбек адабиёти:

Абдулла Қодирийнинг «Ўткан кунлар» ва «Меҳробдан чаён», Чўлпоннинг «Кеча ва кундуз», Ўткир Ҳошимовнинг «Икки эшик ораси», Пиримқул Қодировнинг «Юлдузли тунлар», Худойберди Тўхтабоевнинг «Сариқ девни миниб».

Жаҳон адабиёти:

Жорж Оруеллнинг «1984» ва «Молхона», Пауло Коелонинг «Алкимёгар», Рей Бредберининг «Фаренгейт бўйича 451°».

Ҳаёт, пул ва шахсий ривожланиш ҳақида:

Жеймс Клирнинг «Атом одатлар», Девид Бахнинг «Латте омили», Малколм Гладуеллнинг «Зукколар ва ландавурлар».

Уйдаги китоблар бола келажагига қанчалик таъсир қилиши социологлар томонидан ўнлаб йиллардан бери ўрганиб келинади.