Ҳакерлар Франсиядаги юзлаб супермаркетларда музлаткичларни ўчириб қўйди
Дўконлар айниган маҳсулотларни ташлаб юборишга мажбур бўлди.
Ҳакерлар Франсиядаги юзлаб супермаркетларнинг музлаткичларини ишдан чиқарди
11-октабрга ўтар кечаси ҳакерлар Франсиядаги юзлаб супермаркетларнинг совутиш тизимларига киберҳужум уюштирди. Жиноятчилар ускуналарни муздан халос бўлиш режимига ўтказиб юборган, бунинг натижасида дўконлар айниган маҳсулотларни ташлаб юборишга мажбур бўлди, деб хабар берди Блоомберг.
Интермарчé тармоғига эгалик қилувчи Гроупемент Моусқуетаирес вакилига кўра, тармоқнинг 150 га яқин дўкони зарар кўрган. Совутгич ва музлаткичлар тахминан олти соат давомида Селсий бўйича 50 даражагача қизиб кетган, оқибатда гўшт, музлатилган маҳсулотлар ва сабзавотлар айниб қолган. Моусқуетаирес маълумотига кўра, ушбу тизимларни Даниянинг Данфосс компанияси бошқарган ва расмийларга айнан етказиб берувчининг ўзига шикоят билан мурожаат қилиш лозим.
Ҳужум Соопéративе У тармоғига ҳам таъсир қилганини тармоқ бош директори Доминик Шелшер маълум қилди. Унинг юзга яқин дўкони жабрланган. Шунингдек, айрим Леслерс супермаркетлари ҳам ҳакерлар нишонига айланган. Данфосс Франсиядаги ҳодисалардан хабардор эканини ва мижозлар билан бирга оқибатларни бартараф этиш чораларини кўраётганини билдирди.
Данфосс вакили Ларс Грубак Лофф асосан совутиш тизимларини бошқаришнинг эскирган моделлари, жумладан, дастурий таъминот тизимлари бузиб кирилганини айтди.