Греция оролида 8 миллион йил аввал яшаган каркидон бош суяги топилди
Греция оролида 8 миллион йил аввал яшаган каркидон бош суяги топилди
Критда тахминан 8–8,5 миллион йил аввал яшаган қадимги икки шохли каркидоннинг жуда яхши сақланиб қолган бош суяги топилди. Бу топилма омон қолган тишлар туфайли олимларга ҳайвоннинг ёши ва рационини аниқлаш имкониятини беради.
Бош суяги Сития геопаркидаги Магантзе ва Трапеза ҳудудларида олиб борилган палеонтологик тадқиқотлар давомида топилган. Қазилма суяклар март ойида аниқланган, кейинчалик мутахассислар уларнинг орасидан бош суягини ҳам топишган.
Топилма Dihoplus pikermiensis турига тегишли бўлиб, унинг вакиллари юқори миоцен даврида Ғарбий Евроосиёда яшаган. Бу йирик икки шохли каркидонлар пикерми фаунаси деб аталадиган — ўша даврда минтақада яшаган ҳайвонлар мажмуига кирган.
Жағнинг юқори чап қисмида тўлиқ сақланиб қолган учта жағ тиши тадқиқотчиларда алоҳида қизиқиш уйғотмоқда. Улар орқали олимлар ҳайвоннинг озиқланиши ҳақида маълумот олишлари ва унинг ёшини аниқроқ белгилашлари мумкин бўлади.
Сития геопарки ЮНЕСКОнинг глобал геопарклар тармоғига киради. Унинг палеонтологик тарихи деярли 300 миллион йилни қамраб олади.