Гоогле Трампнинг Атлантика океани номини ўзгартириш таклифини рад этди
АҚШ президенти Доналд Трамп Гоогле раҳбари Сундар Пичаидан Атлантика океанини ўз номига ёки Америка шарафига қайта номлашни сўрагани, бироқ рад жавобини олганини айтди. Компания бу қарорни океан кўплаб давлатлар қирғоқларини ювиб туриши билан изоҳлади.
Гоогле Трампнинг Атлантика океани номини ўзгартириш таклифини рад этди
АҚШ президенти Доналд Трамп Гоогле раҳбариятига Атлантика океани номини ўзининг ёки Америка шарафига ўзгартиришни сўраб мурожаат қилган, бироқ рад жавобини олган.
Қайд этилишича, президент Гоогле бош директори Сундар Пичаи билан телефон орқали боғланиб, шундай ўзгариш қилишни сўраган.
“Менга фақат иккита океан ёқади: Атлантика ва Тинч океани. Мен бу иккисидан ташқари бошқа ҳеч бир океанга Трамп ёки Америка номини бермоқчи эмасман. Шундай қилиб, биз Атлантика океани вариантини жиддий кўриб чиқдик ва мен Гоогле Мапсъга қўнғироқ қилдим. Улар кўл масалани қойилмақом ҳал қилганди… Кўрфаз билан боғлиқ воқеадан кейин эса ҳалиям ўзларига келишолгани йўқ. Мен: „Сундар, Атлантика океани ҳақида ўйлаяпман“ дедим”.
Трампнинг айтишича, Пичаи бунга рози бўлмаган ва рад жавобини шундай изоҳлаган: “Йўқ, йўқ, йўқ. Бу гал буни қилолмайман… Океанлар билан вазият бутунлай бошқача, жаноб. Улар кўплаб давлатлар қирғоқларини ювиб туради. Илтимос, биздан буни талаб қилманг”.
Президент кейинроқ ўз фикридан қайтганини ва океан номини Атлантика бўлиб қолишига қарор қилганини ҳам қўшимча қилди.
Трамп аввалроқ Мексика кўрфазини Америка кўрфази деб қайта номлаш ҳақидаги фармонини, шунингдек, АҚШ ва Канада ўртасидаги савдо низоси фонида Онтарио кўлини Америка кўли деб ўзгартиришга уринганини эслатиб ўтди. Ўшанда у АҚШ федерал идораларидан ушбу янги номдан фойдаланишни талаб қилувчи фармонни ҳам имзолаган эди.
Бу ҳолатларда хариталардаги янги ном АҚШ аҳолиси учун акс этади, Канада фуқаролари аввалги номни кўради, дунёнинг қолган қисми учун эса ҳар иккала ном бир вақтнинг ўзида кўрсатилади.
Трамп илгари Ҳурмуз бўғозини ҳам ўз номи билан аташ таклифини илгари сурганди. Ўтган ойда, АҚШнинг Эрон билан давом этаётган уруши фонида, у Трутҳ Сосиал тармоғида шундай деб ёзган: “Ҳурмуз бўғози номини ТРАМП БЎҒОЗИга ўзгартирсакмикин??? Худди Американинг ўзи каби, у ҳам аввалгидан анча „қайноқ“ бўларди!”