Гезламалардан тайёр кийимларгача: Тошкентда илғор тўқимачилик технологиялари ва соҳа трендлари намойиш этилди | Репортаж
Ўзбекистон пойтахти шу кунларда жаҳон тўқимачилик ва мода индустрияси вакиллари учун асосий ишбилармонлик майдонига айланди. 12 октябрдан 14 октябргача «Ўзэкспомарказ» МКК АЖ залларида бирданига учта йирик халқаро кўргазма: Heimtextil Uzbekistan, Texworld Tashkent ва Apparel Sourcing Tashkent бўлиб ўтмоқда. Тадбирлар бир майдонда олти мамлакатдан 200 дан ортиқ экспонент компанияларни ва 5 000 дан зиёд […]
Матолардан тайёр кийим-кечакларгача: Тошкентда соҳанинг илғор тўқимачилик технологиялари ва трендлари намойиш этилди | Репортаж
Ушбу кунларда Ўзбекистон пойтахти жаҳон тўқимачилик ва мода индустрияси вакиллари учун муҳим бизнес майдонига айланди. 12 октябрдан 14 октябргача «Ўзэкспомарказ» МКК АЖ залларида бир вақтнинг ўзида учта йирик халқаро кўргазма: Heimtextil Uzbekistan, Texworld Tashkent ва Apparel Sourcing Tashkent бўлиб ўтмоқда.
Ушбу тадбирлар бир майдонда олтита мамлакатдан 200 дан ортиқ экспонент компанияларни ва 15 дан ортиқ давлатдан 5 000 дан зиёд рўйхатдан ўтган харидорларни (баиерларни) жамлади.
Экспозиция енгил саноатнинг бутун ишлаб чиқариш занжирини — хомашё ва ускуналардан тортиб тайёр маҳсулотгача қамраб олади.
Меҳмонлар ва бозор мутахассислари уй тўқимачилигининг тренддаги коллекциялари, матолар, трикотаж, фурнитура ва тайёр кийим-кечакларнинг кенг турларини кўришлари мумкин.
Соҳа мутахассисларида бу йил алоҳида қизиқиш уйғотаётган йўналиш Textile Machinery бўлимнинг илк намойиши бўлди: илк бор тўқимачилик ва тикувчилик ишлаб чиқариши учун замонавий станоклар, автоматизциялаштирилган ечимлар ва инновацион технологиялар алоҳида кенг кўламли йўналишга ажратилди.
Майдонда махсус халқаро баиерлик дастури фаол ишламоқда. Унинг доирасида ўзбекистонлик ишлаб чиқарувчилар хорижий ритейлерлар, дистрибьюторлар ва савдо тармоқлари билан бевосита B2B музокаралар олиб бормоқда, экспорт етказиб бериш бўйича шартномалар тузмоқда ва узоқ муддатли ҳамкорликни йўлга қўймоқда.
Соҳа мутахассислари учун бу индустрия инновацияларини баҳолаш, тўғридан-тўғри етказиб бериш занжирларини йўлга қўйиш ва манфаатли шартномалар тузиш учун яхши имкониятдир.
Бундан ташқари, бу ерда маҳаллий ишлаб чиқарувчиларни намойиш этувчи Made in Uzbekistan миллий павильони фаолият юритмоқда.
Тадбирлар Енгил саноатни ривожлантириш агентлигининг расмий қўллаб-қувватлови билан ўтказилмоқда. Ташкилотчи — Messe Frankfurt глобал кўргазма операторининг Марказий Осиёдаги расмий вакили Business Media Central Asia (BMCA) компаниясидир.