Германия ўз йўловчи самолётини ишлаб чиқаришга қайтмоқда
Германиянинг Деуцче Аирсрафт компанияси Лейпсиг/Галле аеропортида 40 ўринли Д328эсо йўловчи самолётини якуний йиғиш учун ишлаб чиқариш биносини очди. Линия тўлиқ қувватга чиққач, йилига 48 тагача самолёт тайёрлаш имкониятига эга бўлади.
Германия йўловчи самолёти ишлаб чиқаришига қайтмоқда
Янги ишлаб чиқариш мажмуасининг очилиш маросими 2026-йил 29-сентабрда бўлиб ўтган. Бу ерда минтақавий йўналишлар учун мўлжалланган турбовинтли Д328эсо самолётлари йиғилади.
Корпус майдони 60 500 квадрат метрни ташкил этади. Бу тахминан саккизта футбол майдонига тенг.
Германия авиация саноати фюзеляж қисмлари, қанотлар, кабина элементлари ва двигателларни катта ҳажмда ишлаб чиқаради. Бироқ йўловчи самолётини лойиҳалашдан тортиб сертификатлаш, тўлиқ йиғиш ва фойдаланиш даврида техник қўллаб-қувватлашгача бўлган босқичларни ягона миллий дастурда бирлаштириш анчадан буён амалга оширилмаган.
Деуцче Аирсрафт бош директори Нико Нойманн янги лойиҳани илдизларга қайтиш деб атаган. Унинг сўзларига кўра, 60 йилдан ортиқ вақт ичида илк бор самолётнинг бутун ҳаётий сикли битта Германия дастури доирасида қамраб олинади.
Д328эсо бутунлай янгидан яратилган самолёт эмас. У аввалги Дорниер 328 моделининг такомиллаштирилган варианти ҳисобланади. Дастлабки Дорниер 328 илк парвозини 1991-йил декабрида амалга оширган. Фаирчилд Дорниер компанияси 2002-йилда банкрот бўлганидан кейин эса уни ишлаб чиқариш тўхтаган.
Янги версияда фюзеляж тахминан икки метрга узайтирилиб, 23,3 метрга етказилган. Йўловчи сиғими 40 кишигача оширилган — бу дастлабки моделга нисбатан қарийб 20 фоиз кўп.
Аввалги двигателлар ўрнига ҳар бири 2750 от кучига эга ПВ127ХТ-С турбовинтли двигателлари ўрнатилган. Учувчилар кабинаси ва бортнинг электрон бошқарув ҳамда навигация ускуналари ҳам тўлиқ янгиланган.
Д328есўнинг парвоз синовлари учун мўлжалланган биринчи нусхаси 2025-йил майида Оберпфаффенхофендаги йиғув сехидан олиб чиқилган.
Ўша пайтда компания самолётнинг тип сертификатини олиш ва тижорий фойдаланишни 2027-йилнинг тўртинчи чорагида бошлашни режалаштирган эди.