Германия канслери Трамп билан телефон суҳбатини бекор қилди
**Германия канслери Трамп билан телефон суҳбатини бекор қилди**
Германия канслери Фридрих Мерц ва АҚШ президенти Доналд Трамп 8-сентябр куни телефон орқали гаплашишни режалаштирганди. Аммо суҳбат кутилмаганда номаълум муддатга сурилди. Ҳозирча бунга расмий изоҳ берилмади. Шунга қарамай, Германия ҳукумати матбуот котиби Штефан Корнелиус масала фақатгина жадвал мос келмаганида эмаслигига ишора қилди.
Билд нашри таҳририяти бу қарор Оқ уйнинг “Германия учун муқобил” (АдГ) партияси ғалабасига муносабати билан боғлиқ бўлиши мумкинлигини тахмин қилмоқда. Мазкур партия минтақавий сайловларда ғалаба қозонган. Трамп эса Мерцнинг сиёсий рақиблари бўлган АдГ муваффақиятини олқишлаган.
АҚШ президенти Трутҳ Сосиал тармоғида: “Ваув, Германиядаги популистик партия учун бу ҳақиқатан ҳам қора тун бўлди”, деб ёзди.
Бундан ташқари, Трамп “МГГА!!!” қисқартмасини ҳам қўшди. Бу унинг машҳур Маке Америса Греат Агаин иборасига ўхшаш бўлиб, Маке Германй Греат Агаин (Германияни яна буюк қилайлик) деган маънони англатади. Трамп АдГ партиясини бевосита тилга олмади, бироқ “Улар юксалишда”, деб ёзди.
Корнелиус суҳбатнинг қолдирилиши Трампнинг ушбу пости билан боғлиқми ёки йўқми, бу ҳақда изоҳ бермади. У фақат Мерц илгари ҳам билдирган позицияни эслатди. Канслер бир неча бор Германиянинг ички сиёсий ҳолатига, айниқса сайловларга аралашиш ёки изоҳ бериш унинг учун қабул қилиб бўлмаслигини таъкидлаган эди.
ГСДП (Германия Социал-демократик партияси) ҳам Мерцга босимни кучайтирмоқда. Бундестагдаги партия фраксияси раҳбари Дирк Визе федерал ҳукуматдан Трампнинг гапларига аниқ муносабат билдиришни талаб қилди.
“Очиқчасига гаплашиб олиш керак. Бундай аралашувга йўл қўйиб бўлмайди. Биз буни шунчаки қабул қила олмаймиз”, деди Визе.
Мерц ва Трамп ўртасидаги суҳбат бутунлай бошқа мавзуга бағишланиши керак эди. Улар 2001-йил 11-сентябрда юз берган терактларнинг 25 йиллигини муҳокама қилишни режалаштирганди. Корнелиуснинг сўзларига кўра, канслер учун АҚШ бундан кейин ҳам Германия ва Европанинг тўлиқ бирдамлигига таяниши муҳим ҳисобланади.
Аввалроқ Мерц АҚШ Германияга Томаҳавк ракеталарини сотишни маъқуллаганини айтганди. Унинг сўзларига кўра, Берлин ва Вашингтон Анқарада ўтган НАТО саммити доирасида янги ҳарбий келишувга эришган. Ракеталар Россияга қарши туриш стратегиясининг муҳим қисми ҳисобланади.