Франция мактабида икки ўқитувчига ўт очилганидан кейин ўқувчи ҳибсга олинди
Ўрта мактаб директори ва ўқитувчи жароҳатланганидан сўнг 14 ёшли ўсмир қўлга олинди.
Франциядаги мактабда икки ўқитувчига ўт очилгач, ўқувчи қўлга олинди
Дўшанба куни эрталаб Франциядаги мактаблардан бирида директор ва ўқитувчига ўт очилганидан кейин бир ўқувчи ҳибсга олинди, хабар беради Франция ОАВлари.
14 ёшли ўсмир Франция жанубидаги Обань шаҳрида жойлашган Лаканаль ўрта мактабидаги ҳодисадан сўнг ҳибсга олингани айтилмоқда.
Ўқитувчилар ҳаёти учун хавф туғдирмайдиган жароҳатлар олгани ва уларга тиббий ёрдам кўрсатилгани билдирилган.
BFMTV телеканали ва Le Parisien нашри суриштирув жараёнидан хабардор манбаларга таяниб хабар беришича, бу ҳодиса мактаблардаги шароитлар бўйича давом этаётган норозилик намойишлари билан боғлиқ эмас деб ҳисобланмоқда.
Таълим вазири Эдуар Жеффре ижтимоий тармоқларда шундай деб ёзди: "Миллий таълим тизимининг икки ходими — директор ва ўқитувчи бугун эрталаб Обандаги Лаканаль ўрта мактабида ўқотар қуролдан жароҳат олди.
Жиноятни бир ўқувчи содир этгани айтилмоқда."
У дўшанба куни тушдан кейин Ички ишлар вазири Лоран Нуньес билан биргаликда Марсель яқинидаги воқеа жойига ташриф буюриши кутилмоқда.