Франсияда ўрмон ёнғини: мингга яқин киши эвакуация қилинди.
Франсиянинг Париж шаҳри яқинида жойлашган Фонтенбло ўрмонида юз берган йирик ёнғин юзасидан икки нафар шахс қўлга олинди. Ҳуқуқни муҳофаза қилувчи органлар уларни ёнғинга қасддан ёки эҳтиёцизлик оқибатида сабабчи бўлганликда гумон қилмоқда. Табиий офат оқибатида 1300 гектардан ортиқ ўрмон майдони ёниб кетди, мингга яқин аҳоли хавфсиз ҳудудларга эвакуация қилинди..
Франсияда ўрмон ёнғини: мингга яқин киши эвакуация қилинди.
Франсиянинг Париж шаҳрига яқин жойлашган Фонтенбло ўрмонида содир бўлган катта ёнғин муносабати билан икки шахс қўлга олинди. Ҳуқуқни муҳофаза қилувчи органлар уларни ёнғин чиқишига қасддан ёки эҳтиёцизлик билан сабаб бўлганликда гумон қилмоқда. Табиий офат натижасида 1300 гектардан ортиқ ўрмон майдони ёниб кетди ва мингга яқин аҳоли хавфсиз жойларга эвакуация қилинди.
Франсия ички ишлар вазири Лоран Нунеснинг маълум қилишича, қўлга олинган икки шахсга нисбатан «қасддан ёки эҳтиёцизлик билан ёнғин келтириб чиқариш» моддалари бўйича тергов олиб борилмоқда.
Тергов маълумотларига кўра, гумонланувчилардан бири 18 ёшли йигит бўлиб, у аввал судланмаган. Уни ушлаш вақтида қўллари қурум билан қопланган ва ёнидан ёндиргич (зажигалка) топилган.
Маҳаллий ҳокимият маълумотларига кўра, бу Париж атрофидаги сўнгги йилларда юз берган энг йирик ўрмон ёнғинларидан бири ҳисобланади. Табиий офат натижасида 1300 гектардан ортиқ ўрмон майдони ёнган, тахминан минг нафар киши хавфсиз жойларга эвакуация қилинган.
Ёнғинни бартараф этиш ишларига 600 нафар ўт ўчирувчи жалб қилинган. Шунингдек, махсус авиация ҳам ишга туширилиб, тўртта Санадаир самолёти, иккита Даш самолёти ва учта вертолёт ёрдамида ёнғин ўчирилган. Қутқарув операцияси раҳбари Жан-Марк Сикарнинг маълум қилишича, ҳаводан жами 187 марта сув ташланган.
Кечки вақтга келиб, юзлаб ўт ўчирувчилар ёнғин ўчоғида навбатчиликни давом эттирган. Ёнғин туфайли бир нечта автомобил йўллари вақтинча ёпилган.
Мутахассислар таъкидлашича, Франсия жорий йил бошидан буён учинчи иссиқлик тўлқинини бошдан кечирмоқда. Мамлакатда йил бошидан буён ўрмон ёнғинлари 32 минг гектар ер майдонига зарар етказган бўлиб, бу ўтган йилнинг шу даврига нисбатан қарийб икки баравар кўпдир.
Франсия ҳуқуқни муҳофаза қилувчи органлари шу вақтга қадар қасддан ўт қўйиш ёки эҳтиёцизлик билан ёнғин келтириб чиқаришда гумон қилиниб, 59 нафар шахсни қўлга олган. Улар орасида ўчирилмаган сигарета қолдиғини ташлаб кетиш орқали ёнғинга сабаб бўлганлар ҳам бор.
Шу билан бирга, Европанинг Сопернисус иқлим хизмати маълумотига кўра, 2026 йил июн ойи Ғарбий Европа кузатувлари тарихидаги энг иссиқ июн сифатида қайд этилди. Германияда эса Роберт Кох институтининг дастлабки ҳисоб-китобларига кўра, июн ойидаги кучли иссиқлик тўлқини оқибатида тахминан 5100 киши вафот этган.