Фигуре АИ компанияси роботларни «Терминатор» услубида йўқ қилди
Роботлар Финландиянинг Иматра шаҳридаги қуюв заводида жойлашган 75 тонналик электр ёй печига сакради, шундан сўнг эриган металлга айланди.
Фигуре АИ компанияси роботларни «Терминатор» услубида йўқ қилди
Фигуре АИ компанияси Ф.02 одамсимон роботлар паркини ноодатий тарзда йўқ қилди. Машиналар Финландиянинг Иматра шаҳридаги қуюв заводида жойлашган 75 тонналик электр ёй печига мустақил равишда сакради, шундан кейин улар эриган металлга айланган, деб ёзди.
Компания янги авлод Ф.03 роботларига ўтгач, эскиларини утилизация қилиш зарурати пайдо бўлди. Эски машиналарни ищи ҳолатда сақлаш мақсадга мувофиқ эмас эди, уларни оддийгина қисмларга ажратиш эса фирма аппарат ечимларини ошкор қилиб қўйиши ва кейинги Ф.04 модели устида ишлаши керак бўлган муҳандисларнинг вақтини олиши мумкин эди.
Шу сабаб Фигуре АИ роботларни ички қисмларини очмасдан йўқ қилиш йўлини топишга мажбур бўлди. АҚШ ва Мексикадаги бир нечта заводлар машиналарга ўрнатилган литий-ионли аккумуляторлар сабаб уларни қабул қилишдан бош тортди. Охир-оқибат компания Финландия корхонаси билан келишувга эришди.
Ечим излаш жараёнида Фигуре АИ «Афсоналарни емирувчилар» шоусининг собиқ иштирокчиларидан ҳам ёрдам сўради. Роботларни печга ташлаш ғоясини кейинчалик лойиҳага қўшилган актёр Арнолд Шварсенеггер қўллаб-қувватлади. Айнан унинг иштирокида суратга олинган «Терминатор» филмидаги робот охир-оқибат металл эритиш печига тушиб, ўзини ўзи йўқ қилган.
Финландияга юборишдан олдин муҳандислар Ф.02 роботини керакли нуқтага сакрашга ўргатишди. Бунинг учун Сан-Хоседаги Фигуре штаб-квартирасида катта хавфсизлик ёстиқчалари ўрнатилди ва роботлар иккинчи қаватдан тушишга машқ қилдирилди.
Роботлар эритилгач, қуйма металл кўринишида АҚШга қайтарилди. Фигуре АИ компаниясининг айтишича, видеодаги воқеалар компютер графикаси эмас: роботлар ростдан ҳам ёниб турган печга сакраган.