Фарғонада уй подвалида пангасиуслар боқилаётган бассейн аниқланди
Фарғонада кўп қаватли уй подвалида пангасиуслар учун бассейн ташкил этилгани аниқланди. Уй эгасига жарима солиниб, бассейнни бузиш топширилди.
Фарғонада уй подвалида пангасиуслар боқилаётган бассейн топилди
Фарғонадаги кўп қаватли уйлардан бирининг подвалида сиам акуласи деб аталувчи балиқлар сақланаётган бассейн аниқланди. Уй аҳолисидан бири умумий фойдаланишдаги ҳудуднинг бир қисмидан ўзбошимчалик билан фойдаланиб, мазкур бассейнни жиҳозлаган. Бундан ташқари, ўрнатилган идишга сув таъминоти ҳам қонунга хилоф равишда уланган.
Қоидабузарлик Уй-жой коммунал хўжалиги соҳасида назорат инспексияси ходимлари томонидан “Мурувват” маҳалласида ўтказилган рейд давомида аниқланган. Инспекторлар хонадон эгаси подвалнинг бир қисмини тўсиб, сув қувурига бассейн сифатида фойдаланилаётган катта сиғимни улаганини аниқлаган.
Уй аҳолисига умумий мулкдан ўзбошимчалик билан фойдаланиш ва ичимлик сувини рухсациз истеъмол қилиш бўйича маъмурий ҳуқуқбузарлик тўғрисида баённомалар расмийлаштирилди. Қоидабузарлик Маъмурий жавобгарлик тўғрисидаги кодекснинг 163-моддаси 1-қисми билан таснифланган.
Фуқарога жарима тайинланган. Шунингдек, унга 15 кун ичида бассейнни демонтаж қилиш, подвалнинг эгаллаб олинган қисмини бўшатиш ва хонани дастлабки ҳолатига келтириш бўйича кўрсатма берилган.
Инспексия кўп қаватли уйлардаги подваллар ва бошқа умумий фойдаланишдаги хоналардан қонунчилик талабларини бузган ҳолда фойдаланиш мумкин эмаслигини эслатди.
Шу билан бирга, бассейнда аниқланган сиам акулалари аслида акула турига кирмайди. Сиам акуласимон соми ёки пангасиус — ташқи кўриниши ва орқа сузгичининг ўзига хос шакли туфайли шундай ном олган чучук сув балиғидир.
Ушбу тур Таиланд, Лаос, Камбоджа ва Вьетнамнинг чучук сувли ҳавзаларида яшайди. Денгиз акулаларидан фарқли равишда, пангасиус.