ЭТÉРА Малл энг кутилган савдо-кўнгилочар маркази деб топилди
«Ўзбекистонда жамоатчилик фикри» онлайн-ресурси энг кутилган савдо-кўнгилочар марказни аниқлаш мақсадида очиқ Телеграм-сўровнома ўтказди
ЭТÉРА Малл энг кўп кутилаётган савдо-кўнгилочар марказ деб эътироф этилди
«Ўзбекистонда жамоатчилик фикри» онлайн-ресурси энг кутилаётган савдо-кўнгилочар марказни аниқлаш мақсадида очиқ Телеграм-сўровнома ўтказди.
74 мингдан ортиқ фойдаланувчи қатнашган овоз бериш якунларига кўра, 61% овоз олган ЭТÉРА Малл лойиҳаси ишончли ғалабага эришди. Броадвай Плаза, Пирамит Малл ва Жомий Малл лойиҳалари мос равишда 19%, 12% ва 8% овоз тўплаб, иккинчи, учинчи ва тўртинчи ўринларни эгаллади.
«Ўзбекистонда жамоатчилик фикри» лойиҳаси асосчиси Тимур Бакиев қуйидагича фикр билдирди:
«Тошкент ўсиб, ривожланиб бормоқда, шаҳар ва мамлакат раҳбарияти савдо инфратузилмасини яратишга катта эътибор қаратмоқда. Ушбу сўровномага биз махсус қурилиш ёки очилишга тайёргарлик кўриш босқичида бўлган савдо марказларини киритдик. Ўйлайманки, натижалар ўз-ўзидан маълум».
Эслатиб ўтамиз, савдо-кўнгилочар маркази, бизнес маркази ва апартаментлардан иборат ЭТÉРА мажмуаси пойтахтнинг Истиқбол ва Абдулла Қодирий кўчалари чорраҳасида бунёд этилмоқда. Маллънинг умумий майдони 50 минг м² дан ошади. Тижорат инфратузилмасининг тўрт қаватида 100 дан ортиқ дўкон жойлашади, икки қаватли автотураргоҳда эса 350 дан ортиқ автомобил ўрни назарда тутилган. СМВП халқаро консалтинг компанияси ушбу локациянинг кунлик трафик салоҳиятини 23 минг киши деб баҳоламоқда.
«Натижа, шубҳасиз, қувонарли ва ЭТÉРА Маллънинг бўлажак ташриф буюрувчилари кутаётган умидлар биз учун устувор аҳамиятга эга. Аммо бу умидларни оқлаш учун ҳозир бизга қурилиш жараёни ва ижарачилар масаласи ҳам бирдек муҳим. Асосий ижарачилар билан келишиб олдик, қолганлари билан ишлаяпмиз. Очилиш келаси йили бўлиб ўтади», – деди «МАНАР Девелопмент» бош директори Даврон Файзиматов воқеага изоҳ берар экан.
Яқинда «МАНАР Девелопмент» ЭТÉРА Маллънинг асосий ижарачилари билан музокараларни якунлагани ҳақида хабар берилган эди. Дастлабки келишувлар бўлажак мажмуанинг асосий йўналишларини – озиқ-овқат ритейли, гастрономия ва кўнгилочар соҳаларни қамраб олади.