Эроннинг йўқ қилиниши тинчликка олиб келган бўларди - Трамп
АҚШ президенти Доналд Трамп Тиме журналига берган интервюсида Ню-Ёркдаги БМТ Бош Ассамблеясида «Эронни йўқ қилиш» ҳақида айтган сўзларига изоҳ берди. Унинг фикрича, бу давлат мавжуд экан, «тинчлик бўлмайди».
Эроннинг йўқ қилиниши тинчликка олиб келган бўларди - Трамп
Трампга ўзини «тинчлик президенти» деб атайдиган одам қандай қилиб бутун бир мамлакатни йўқ қилишга чақириши мумкинлиги ҳақида савол берилди.
«Чунки Эронни йўқ қилиб, биз бутун дунёда тинчликка эришган бўлардик. Эрон билан тинчлик ўрнатиш мумкин деб ўйламайман», - деб жавоб берди у.
Доналд Трампнинг айтишича, Эронга қарши операция муддати унинг ташаббуси билан узайтирилган.
«Фақат узоқроққа боришни хоҳлаганим учун. Мен уларни йўқ қилдим. Ўша босқичда тўхташим ҳам мумкин эди, лекин олдинга интилишни хоҳладим. Улар менга керак эмас эди - ахир мен белгиланган муддатда улгурдим», - деди Америка президенти. Унинг сўзларига кўра, Эроннинг иқтисодиёти, флоти ва ҳарбий авиацияси йўқ қилинган, инфляция эса «300 фоизни ташкил этмоқда».
АҚШ президенти Эроннинг тинчлик йўли билан тартибга солиш бўйича сўнгги таклифини рад этганини ҳам қўшимча қилди, чунки унинг айрим жиҳатлари «етарлича яхши эмас» эди. Ахиос нашри маълумотига кўра, учрашувда Қатар томонидан таклиф этилган муроса — Теҳроннинг ядровий дастурини чеклаш эвазига Американинг ҳарбий-денгиз блокадасини бекор қилиш масаласи муҳокама қилинган.