Энсо Фернандес трансфери учун чегирмали муддат тугади
Энсо Фернандеснинг трансфери бўйича чегирмали муддат якунланди.
"Челси" яримҳимоячи Энсо Фернандесни сотиб олиш бўйича ҳеч қандай ёзма таклиф олмади. Журналист Фабрицио Романонинг Х ижтимоий тармоғидаги саҳифасида маълум қилишича, 14-август (Лондон вақти билан соат 17:00) клуб футболчини сотиш масаласини муҳокама қилишга тайёр бўлган сўнгги муддат эди.
Аввалроқ, агар "Манчестер Сити" ва "Челси" ушбу муддатгача келишувга эриша олмаса, трансфер умуман амалга ошмаслиги хабар қилинган эди. Эндиликда 25 ёшли аргентиналик футболчини ўз сафига қўшиб олмоқчи бўлган жамоалар унинг учун 140,5 миллион евролик соф таклиф юборишлари талаб этилади.
Манбага кўра, "Челси" энди 25 ёшли футболчини 120 миллион фунт стерлинг (140 миллион евро) эвазига сотиш вариантини кўриб чиқмаяпти. Бу сумма май ойининг охирида эҳтимолий харидорларга маълум қилинган эди.
Энсо 2023-йилнинг қишида "Бенфика"дан "Челси"га кўчиб ўтган эди. У шу кунгача барча турнирларда жами 166 та ўйинда майдонга тушиб, рақиблар дарвозасига 30 та гол уришга муваффақ бўлди.
Аргентиналик яримҳимоячи лондонликлар билан биргаликда 2024/2025-йилги мавсумда Конференсиялар Лигасида ҳамда 2025-йилги Клублар ўртасидаги Жаҳон чемпионатида ғолиб чиққан. Футболчининг амалдаги шартномаси 2032-йилнинг ёзига қадар мўлжалланган бўлиб, Трансфермаркт портали унинг ҳозирги бозор қийматини 100 миллион еврога баҳоламоқда.