Электрда 200, гибрид режимда 1 200 километр: ЭС-36 самолёти тақдим қилинди
Швеция–АҚШнинг Ҳеарт Аероспасе компанияси 36 йўловчига мўлжалланган ЭС-36 гибрид минтақавий самолёт лойиҳасини тақдим этди. Унинг илк йирик буюртмачиси бўлган АҚШнинг ЖСХ авиакомпанияси 50 та самолётга буюртма бериб, яна шунчасини харид қилиш имкониятини қўлга киритди.
Электрда 200, гибрид режимда 1 200 километр: ЭС-36 самолёти намойиш этилди
Накед Ссиенсе нашри ёзишича, янги самолёт илгари эълон қилинган ЭС-30 лойиҳасининг ўрнини эгаллаган.
ЖСХ 2023-йилда Ҳеарт Аероспасе билан самолёт харид қилиш нияти ҳақидаги ҳужжатни имзолаган эди, энди эса келишувнинг бир қисми қатъий буюртмага айлантирилди. Авиакомпания етказиб бериш навбатида ҳам устуворликка эга бўлади.
ЖСХ янги самолётдан анъанавий йирик авиалайнерлар хизмат кўрсатмайдиган кичик аеропортлар ўртасида тўғридан тўғри қатновларни йўлга қўйиш учун фойдаланишни режалаштирмоқда.
Компаниялар йўловчи салонини жойлаштириш, қувватлантириш инфратузилмаси, ер усти хизмати, йўналишларни режалаштириш ва самолётни навбатдаги парвозга тайёрлаш жараёнларини биргаликда ишлаб чиқишни мўлжаллаган.
ЭС-30 тўртта двигателли қилиб лойиҳалаштирилган эди. ЭС-36 эса иккита кетма-кет гибрид куч қурилмасига эга бўлади. Уларнинг ҳар бирида ҳаво винтини бевосита айлантирадиган 1,65 мегаватт қувватли электр двигатели бор.
Электр двигателлари энергияни аккумуляторлардан олади. Парвоз масофасини узайтириш учун алоҳида газ турбинали генераторлар ҳам назарда тутилган. Бу қисқа йўналишларда электр қувватидан фойдаланиш, узоқроқ парвозларда эса генераторларни ишга тушириш имконини беради.
Ҳисоб-китобларга кўра, зарур энергия захираси ҳисобга олинганда, самолёт тўлиқ электр режимида 200 километргача уча олади. Гибрид режимда эса парвоз масофаси 1 200 километрга етади.
Ҳеарт Аероспасе маълумотига кўра, ЭС-36 учун ЭС-30 лойиҳасида белгиланган максимал учиш массаси ва аккумулятор сиғими сақлаб қолинган. Шунга қарамай, йўловчилар сони олтитага - 36 ўринга, фойдали юк кўтариш имконияти эса 640 килограммга оширилган.
Самолёт қанотларининг қулочи 29 метрни ташкил этади. Ишлаб чиқувчининг ҳисобича, ЭС-36 эксплуатация харажатлари аввалги авлод анъанавий минтақавий самолётларига нисбатан камида 40 фоиз кам бўлади.