Экополиция Тошкентдаги компьютер клуби ертўласидан маймун топди. Видео
Экополиция Тошкентдаги компьютер клуби ертўласидан маймун топди. Видео
Экополиция ходимлари Тошкентдаги компьютер клубларидан бирида ғайриоддий топилмага дуч келишди — улар ертўладан маймун топишди.
Воқеа Қорасув-6 маҳалласида юз берган. Мирзо Улуғбек тумани экополиция бўлими ходимлари текширув ўтказаётганда, ертўлада ёввойи ҳайвонни пайқаб қолишган.
Маймун ҳайвонот боғига топширилди, у ерда унга хавфсиз сақлаш шароитлари ва зарур парвариш таъминланади.
Пойтахт экология бошқармаси ёввойи ҳайвонларни тегишли шароитларсиз ва мутахассислар назоратисиз сақлаш мумкин эмаслигини эслатиб ўтди. Бундай шароитда сақлаш ҳайвоннинг ўзи учун ҳам, одамлар учун ҳам хавфли бўлиши мумкин.
Бундан аввал Тошкент кўчаларида бир неча бор ёрқин юбка кийган маймунчани етакчида сайр қилдириб юрган бувихон кўзга ташланган эди.