Душанба куни ўзгарувчан булутли ҳаво ва баъзи жойларда ёмғир ёғиши кутилмоқда

Дўшанба куни ўзгарувчан булутли ҳаво ва баъзи жойларда ёмғир ёғиши кутилмоқда

12 октябрь, дўшанба куни бир қатор ҳудудларда ёмғир ёғиши, тоғ олди ва тоғли ҳудудларда сел-сув ташқинлари хавфи мавжудлиги кутилмоқда, деб хабар берди Ўзгидромет ўз прогнозида.

Тошкент шаҳрида ҳамда республиканинг тоғ олди ва тоғли ҳудудларида вақти-вақти билан ёмғир ёғиши, баъзи жойларда кучли бўлиши кутилмоқда. Юқори тоғларда ёмғир қорга айланиши мумкин, дейди синоптиклар.

Бухоро, Навоий, Қашқадарё, Сурхондарё, Андижон, Наманган ва Фарғона вилоятларининг баъзи жойларида жўшқин ёмғир ёғиши кутилмоқда. Тошкент, Сирдарё, Жиззах ва Самарқанд вилоятларининг баъзи жойларида бироз ёмғир ёғиши прогноз қилинмоқда. Қорақалпоғистон Республикаси ва Хоразм вилоятида ёғингарчилик кутилмайди.

Ғарбий шамол аксарият ҳудудларда шарқийга ўзгариб, тезлиги сониясига 7-12 метрни ташкил этади. Тошкент шаҳрида шамол ғарбдан сониясига 3-8 метр тезликда эсади.

Кечаси ҳарорат тоғларда 5-10 даража, Қашқадарё, Сурхондарё, Андижон, Наманган ва Фарғона вилоятларида 12-17 даража иссиқ бўлади. Кундузи ҳарорат Қашқадарё ва Сурхондарё вилоятларида 23-28 даражагача, Қорақалпоғистон ва Хоразмда 21-26 даражагача кўтарилади. Тошкентда кундузи ҳарорат 19-21 даража иссиқ бўлади. Тоғли ҳудудларда энг юқори ҳарорат 7-12 даража бўлади.