Дунёнинг энг ёш 11 миллиардери: улар қандай бой бўлган?
Дунёдаги энг ёш миллиардерларнинг баъзилари улкан бойликни мерос қилиб олган бўлса, бошқалари ҳали 20 ёшга
Дунёнинг энг ёш 11 миллиардери: улар қандай бой бўлган?
20 ёшда миллиардер бўлиш мумкинми? 2026-йилги Форбес рўйхати бу саволга ҳайратланарли жавоб беради. Дунёдаги энг ёш миллиардерларнинг айримлари улкан бойликни мерос қилиб олган бўлса, бошқалари эса ҳали 20 ёшга тўлмасидан технология бизнесини йўлга қўйган.
**Амели Войгт Трежес, 20 ёш**
Амели — 2026-йилда дунёнинг энг ёш миллиардерларидан бири. У Бразилиянинг йирик саноат компанияси ВЕГ асосчиларидан бири бўлган марҳум бобоси Вернер Рикардо Войгтдан қолган бойлик улушига эга.
20 ёшли бу миллиардер компаниянинг тахминан 2 фоиз аксиясига эгалик қилади. Форбес унинг бойлигини 1,1 миллиард доллар деб баҳолаган.
**Ёханнес фон Баумбах, 20 ёш**
Ёханнес Германиядаги машҳур фармацевтика гиганти Борингер Ингелҳайм оилавий бойлигининг энг ёш меросхўри. Компания 1885-йилда ташкил этилган ва бугун ҳам оила назоратида.
Ёханнеснинг бойлиги 6,6 миллиард доллар атрофида.
**Клементе Дел Векко, 21 ёш**
Клементе — дунёдаги машҳур кўзойнак компанияси “ЭссилорЛухоттиса” асосчиси Леонардо Дел Векконинг фарзанди. 2022-йилда отаси вафот этгач, у оилавий холдингда 12,5 фоиз улуш олган.
Клементенинг бойлиги Форбес баҳосида 6,8 миллиард доллар.
**Ливия Войгт де Ассис, 21 ёш**
Ливия ҳам ВЕГ асосчиси Вернер Войгтнинг авлодидан. У компаниянинг тахминан 3,1 фоиз улушига эга.
Форбес бу йигитнинг бойлигини 1,4 миллиард доллар деб баҳолаган.
**Суря Мидҳа, 22 ёш**
Юқоридагилардан фарқли ўлароқ, Суря Мидҳа бойликни мерос қилиб олмаган. У икки ҳаммуассиси билан 2023-йилда “Мерсор” номли сунъий интеллект компаниясини ташкил қилган. Компания АИ лабораторияларига моделларни ўқитиш учун мутахассислар топишга ёрдам беради.
Форбес Суря Мидҳани 2026-йилда ўз кучи билан миллиардер бўлган дунёнинг энг ёш одами сифатида кўрсатган. Бойлиги — 2,2 миллиард доллар.
**Брендан Фуди, 22 ёш**
Суря Мидҳа ва Адарш Хиремат билан бирга “Мерсор” компаниясини ташкил қилган. Брендан Фуди компаниянинг бош директори. У 2023-йилда Георгетовн университетини ташлаб, ўз стартапига тўлиқ киришган.
Форбес баҳосига кўра, Брендан Фудининг бойлиги 2,2 миллиард доллар.
**Адарш Хиремат, 22 ёш**
У ҳам “Мерсор”нинг уч асосчисидан бири. Қизиғи, учала асосчи ҳам ҳали жуда ёш пайтида катта компания қуришга киришган. “Мерсор” сунъий интеллект соҳасида ишловчи компанияларга малакали инсонларни топиш ва АИ моделларини ўқитиш жараёнида ёрдам беради.
Хирематнинг Форбес баҳоси бўйича бойлиги — 2,2 миллиард доллар.
**Ким Жон-ён, 22 ёш**
Жанубий кореялик Ким Жон-ённинг бойлиги отаси Ким Жонг-Жу асос солган “Нехон” компанияси билан боғлиқ. Нехон — онлайн компютер ўйинлари соҳасидаги йирик компаниялардан бири.
2022-йилда отаси вафот этгач, Ким ва опаси компанияда тахминан 9 фоиздан улуш олган.
Ким Жон-ённинг бойлиги 1,7 миллиард доллар атрофида.
**Фелипе Войгт Трежес, 23 ёш**
Фелипе Войгт Трежес ВЕГ компаниясидаги оилавий улуши туфайли миллиардерга айланган. Унинг эгизак акаси Педро ҳам миллиард долларлик бойликка эга.
Фелипенинг бойлиги Форбес баҳосида 1,1 миллиард доллар.
**Педро Войгт Трежес, 23 ёш**
Педро — Фелипенинг эгизак акаси. У ҳам бобоси асос солган ВЕГ компаниясидаги катта оилавий улушга эга.
Форбес Педронинг бойлигини 1,1 миллиард доллар деб баҳолаган.
**Кевин Девид Леманн, 23 ёш**
Кевин Германиянинг машҳур дм-дрогерие маркт дорихона ва маиший моллар тармоғидаги 50 фоизлик улушни мерос қилиб олган. Энг қизиғи, отаси бу улушни унга 2017-йилда, Кевин ҳали 14 ёшда бўлганида ўтказган.
Форбес 2026-йилда унинг бойлигини 4,9 миллиард доллар деб баҳолади.