Дунёнинг энг чиройли эркаги ким ва у нима сабабдан қамалган?
Дунёнинг энг чиройли эркаги ким ва у нима учун қамалган?
“Чиройли актёр” деган тушунча бор — бу иборани эшитганда кўз олдингизда муайян бир образ пайдо бўлади, аммо Пайинг Такхон бу тасаввурга мутлақо сиғмайди. Йигирма ёшдан сал ошган бўлса-да, у подиумга чиқишга, кинода суратга тушишга, буддавийлик монастирига бориб, кейин у ердан қайтишга, ҳарбий тўнтариш вақтида норозилик плакати билан кўчага чиқишга ва ҳибсга олинишга улгурган.
Пайинг Такхон 1996-йилда Мянманинг ғарбий қисмидаги кичик Котаун шаҳрида, оиладаги олти фарзанднинг тўртинчиси бўлиб туғилган. Мактабни тугатгач, у яхшироқ яшаш умидида мамлакатнинг энг йирик шаҳри Янгонга йўл олди: у ерда имкониятлар кўпроқ эди, шунинг учун ўзини синаб кўришга арзийди.
18 ёшида у Жон Лвиннинг моделлик мактабига қабул қилинди: суратга тушиш ва подиумда юришни ўрганди ҳамда жуда тез кўзга ташланди. Жоҳн Лвинъс Стар & Модел Интернатионал агентлиги дарҳол унга ҳамкорлик таклиф қилди. Узун сочлари ва мушакдор гавдаси уни эсда қоларли, ўзига хос қиёфага айлантирганди.
Рекламалар, клиплар, журналлар учун суратга тушишлар — унинг карьераси жуда тез ривожланди. Кинода ҳам ўзини синаб кўриш таклиф қилингач, у “Ярим тун сайёҳи” филмидаги бош рол учун кастингдан ўтди ва 2017-йилда актёр сифатида танилди. Шу билан бирга Пайинг мусиқа билан ҳам шуғуллана бошлади: у 21 ёшга кирган, ижтимоий тармоқлардаги саҳифасини эса турли мамлакатлардан икки миллиондан ортиқ одам кузатарди. Мянма ҳукумати уни маданият элчиси этиб тайинлади.
ТС Сандлер рейтингида у илк бор 2020-йилда ўнинчи ўринда пайдо бўлди: бу ёмон натижа эмасди, аммо ҳали чўққи ҳам эмасди.
2021-йил бошида интернетда унинг буддавий роҳиблар қуршовида, сочи қирилган ҳолатдаги суратлари пайдо бўлди. Мухлислар хавотирга тушишди — турли миш-мишлар тарқалди.
Аслида у шунчаки монастирда икки ҳафта ўтказишга қарор қилган эди — рўза, ибодат, медитация ва роҳиблар ҳаёт тарзига тўлиқ шўнғиш унинг нафас ростлаш ва ўзини тиклаш усулига айланди. Қайтиб келгач, у яна подиумга чиқди, бироқ чинакамига нафас ростлай олмади.
2021-йил 2-февралда Мянмада ҳарбий тўнтариш юз берди: армия ҳокимиятни эгаллади, ташқи ишлар вазири Аун Сан Су Чжи ҳибсга олинди, одамлар кўчаларга чиқди. Пайинг Такхон ҳам улар билан бирга чиқди. У тўнтаришни очиқчасига қоралади, ижтимоий тармоқларда мурожаатлар ёзди ва фуқароларнинг ҳокимиятни ўзлари танлаш ҳуқуқини тан олишга чақирди.
2021-йил 8-апрел куни тонгги соат бешда ҳарбийлар унинг Шимолий Дагон туманидаги онасининг уйига келишди. Уни телефони билан бирга олиб кетишди: ижтимоий тармоқлардаги саҳифалари ўша куниёқ ўчирилди, суд эса уни уч йиллик қамоқ жазоси ва ахлоқ тузатиш ишларига ҳукм қилди. Тахминан шу пайтда ТС Сандлер навбатдаги овоз бериш натижаларини эълон қилди. 2021-йил бўйича сайёранинг энг келишган эркаги деб айнан ўша пайтда панжара ортида бўлган Пайинг Такхон эътироф этилди.
Қариндошларининг уни озод қилишга уринишлари ҳам, мухлисларнинг Мянма ҳукуматига мурожаатлари ҳам натижа бермади. Қамоқхона деворлари ортида у билан нималар содир бўлгани ва қандай шароитда сақлангани номаълумлигича қолди. Ҳозирда Пайинг ижтимоий тармоқларини юритишда давом этмоқда ва ҳар бир янги сурати остида минглаб изоҳларни тўпламоқда.