Дунёдаги энг катта электр паром йöловçи таşиşни боşлади
Жанубий Америкада дунёдаги энг катта, тöлиқ аккумуляторда иşлайдиган электр паром тижорий қатновга çиқди. Узунлиги 130 метр бöлган Чина Зоррилла кемаси Аргентина ва Уругвай öртасида бир йöла 2100 нафаргаçа йöловçи ҳамда 225 та автомобил таşиşга мöлжалланган.
Дунёдаги энг йирик электр паром йўловчи ташишни бошлади
Чина Зоррилла паромини Австралиянинг Инсат Тасманиа кемасозлик корхонаси Буқуебус оператори буюртмаси асосида қурган. Кема илк тижорий қатновини Аргентина пойтахти Буенос-Айрес ва Уругвайнинг Колония-дел-Сакраменто шаҳарлари ўртасида амалга оширди. Ла-Плата қўлтиғи орқали ўтадиган йўналишнинг узунлиги тахминан 55 километрни ташкил этади.
Паромни фойдаланишга топшириш маросими 21-октабр куни Буенос-Айресда ўтказилган. Шундан сўнг кема йўловчиларга хизмат кўрсата бошлаган. Инсат маълумотига кўра, Чина Зоррилла тўлиқ аккумулятор электр энергиясида ишлайдиган дунёдаги энг катта кемадир.
Улкан паромни ҳаракатга келтириш учун бортга умумий оғирлиги 250 тоннадан ортиқ аккумулятор батареялари ўрнатилган. Уларнинг жами энергия сиғими 40 мегаватт-соатдан зиёд.
Батареяларда тўпланган электр энергияси саккизта электр юритмали сувпуркагичга узатилади. Ушбу қурилмалар сув оқимини орқага йўналтириб, кемани олдинга ҳаракатлантиради. Шу тариқа паром бутун қатнов давомида аккумуляторлардаги энергиядан фойдаланади.
Кема йўловчилар билан бирга автомобилларни ҳам манзилга етказади. Унинг сиғими бир вақтнинг ўзида 2100 нафаргача йўловчи ва 225 та транспорт воситасини қабул қилиш имконини беради.
Бортда йўловчиларнинг сафар давомида дам олиши учун махсус жойлар ташкил этилган. Шунингдек, қарийб 2300 квадрат метр майдонни эгаллаган божсиз савдо ҳудуди ҳам мавжуд.