Чорвачилик агентлиги фаолиятининг ҳуқуқий асослари белгиланди
Вазирлар Маҳкамаси қарори билан Қишлоқ хўжалиги вазирлиги ҳузуридаги Чорвачилик ва яйлов хўжалигини ривожлантириш агентлиги фаолиятини тартибга солувчи низом ҳамда унинг ҳузуридаги Чорвачилик тармоқларини қўллаб-қувватлаш жамғармаси маблағларидан фойдаланиш тартиби тасдиқланди.
Чорвачилик агентлигининг фаолиятини тартибга солувчи ҳуқуқий асослар тасдиқланди.
Вазирлар Маҳкамасининг 2026-йил 31-июлдаги 426-сонли қарори билан Қишлоқ хўжалиги вазирлиги ҳузуридаги Чорвачилик ва яйлов хўжалигини ривожлантириш агентлигининг ишини ташкил этишга доир муҳим ҳужжатлар қабул қилинди.
Қарорга кўра, агентликнинг низомида унинг асосий вазифалари, функсиялари, ҳуқуқлари ва мажбуриятлари, ташкилий тузилмаси ҳамда раҳбариятининг ваколатлари аниқ белгилаб берилган. Ҳужжатда чорвачиликни ривожлантириш, наслчилик ишларини яхшилаш, яйловлардан оқилона фойдаланиш, инвестицияларни жалб қилиш ва илғор технологияларни жорий этиш каби устувор йўналишлар кўзда тутилган.
Бундан ташқари, агентлик қошидаги Чорвачилик тармоқларини қўллаб-қувватлаш жамғармаси маблағларини шакллантириш ва улардан фойдаланиш тартиби ҳам тасдиқланди. Ушбу маблағлар соҳани ривожлантириш, илмий-тадқиқот ва инвестиция лойиҳаларини қўллаб-қувватлаш, инфратузилмани такомиллаштириш ҳамда бошқа мақсадли йўналишларга сарфланади.
Қарорнинг ижросини назорат қилиш Ўзбекистон бош вазирининг ўринбосари ва қишлоқ хўжалиги вазири зиммасига юклатилган.