“Чақмоқ Маквин” Формула-1 трассасида пайдо бўлди

“Чақмоқ Маквин” Формула-1 трассасида кўринди

Италиянинг Монза шаҳрида ўтказилган Формула-1 Гран-присида “Машиналар” мултфилми қаҳрамони “Чақмоқ Маквин”нинг нусхаси намойиш қилинди. У пойга трассасида фахрий даврани босиб ўтди.

Шунингдек, расмий хавфсизлик автомобили — Мерседес-АМГ ГТ 63 ПРО ҳам “Машиналар” мултфилми услубидаги махсус бўёқлар билан безатилди. У тўлиқ бошқариладиган тўлиқ узатмали тизим билан жиҳозланган илк автомобил бўлди.

Бу намойиш Формула-1, Дисней ва Пихар ҳамкорлиги доирасида ташкил этилди. Тадбир “Машиналар” франшизасининг 20 йиллигига бағишланган байрамнинг муҳим қисмларидан бири бўлди.

Италия Гран-приси 6-сентабр куни ўтказилди. 12 та пойгадан сўнг мусобақа жадвалида Мерседес жамоаси вакили Андреа Кими Антонелли етакчилик қилмоқда. Бироқ двигатели алмаштирилгани сабабли у пойгани охирги ўриндан бошлади.

Пихар студияси томонидан Валт Дисней компанияси учун ишланган “Машиналар” мултфилми 2006-йилда намойиш этилган.