Бёрнем: Буюк Британия Украина томонида қолади
Украина президенти Володимир Зеленский Буюк Британиянинг янги бош вазири Энди Бёрнем билан расман учрашган биринчи хорижий давлат раҳбари бўлди. Учрашув давомида Лондон Украинага янги дрон технологиясини тақдим этишини маълум қилди ҳамда ҳарбий ҳамкорликни янада кенгайтиришга тайёрлигини билдирди.
Бёрнем: Буюк Британия Украина билан ҳамжиҳатликда қолади
Украина Президенти Володимир Зеленский Буюк Британия Бош вазири Энди Бёрнем билан Порсмут шаҳридаги ҳарбий-денгиз базасида учрашди. Энди Бёрнем 20-июл куни бош вазирлик лавозимига киришган бўлиб, Зеленский у билан учрашган биринчи хорижий давлат раҳбари бўлди.
Учрашув давомида икки мамлакат етакчилари Британия Қироллик ҳарбий-денгиз флотига тегишли ҲМС Қуеен Элизабетҳ авиаташувчисига ташриф буюриб, у ерда машғулот ўтаётган британ ва украиналик ҳарбийлар билан суҳбатлашди.
Энди Бёрнем Британиянинг Украинага нисбатан позицияси ўзгармаслигини таъкидлаб, мамлакат "Украинани юз фоиз қўллаб-қувватлайди", деди.
Володимир Зеленский эса буни "муҳим қўллаб-қувватлаш сигнали" деб баҳолаб, Британия бош вазирини Украинага ташриф буюришга таклиф қилди.
Учрашувда Бёрнем Украинага "Стоне Слоак" ("Тош плащ") технологиясига бўлган ҳуқуқлар топширилишини эълон қилди. Бу технология қўлланган дронларни ҳаво ҳужумидан мудофаа тизимлари аниқлаши анча қийинлашади. Британия маълумотларига кўра, Стоне Слоак тизими ўрнатилган минглаб қурилмалар аллақачон Украинага етказиб берилган.
Бёрнем билан учрашув олдидан Зеленский Скй Невс телеканалига берган интервюсида Буюк Британия билан учувчисиз учиш аппаратлари соҳасида стратегик ҳамкорликни янада кенгайтириш режаси ҳақида гапирди. Унинг айтишича, Украина ўзининг жанг майдонида тўплаган тажрибасини Британия билан бўлишишга тайёр. Президент икки давлат ўртасида дронлар бўйича кенг қамровли келишув тузиш ва Буюк Британия ҳудудида дронлар ишлаб чиқариш заводини қуришни таклиф қилди.
Бундан аввал Зеленский Киевда берган интервюсида АҚШда ҳам дрон ишлаб чиқариш корхонаси ташкил этиш нияти борлигини маълум қилган эди. Унинг таъкидлашича, замонавий жанг майдонида дронлар технологияси жуда тез янгиланади. Шу боис уларни омборларда сақлаш эмас, балки доимий равишда ишлаб чиқариш муҳим ҳисобланади.
Зеленский Буюк Британияга ташрифини якунлагандан сўнг АҚШга йўл олади. У ерда 28-июл куни АҚШ Президенти Доналд Трамп билан учрашиши режалаштирилган.