Бугун айрим ҳудудларда ҳарорат 36 даражагача тушиши кутилмоқда
Жанубий ҳудудларда ҳаво ҳарорати 43 даражагача кўтарилиши мумкин
Бугун мамлакатнинг айрим ҳудудларида ҳаво ҳарорати 36 даражагача пасайиши прогноз қилинмоқда.
"Ўзгидромет" хабарига кўра, бугун кундузи ёғингарчилик кутилмайди. Шамол тезлиги 7-12 м/с ни ташкил этади, айрим жойларда эса 13-18 м/с гача кучайиши, шунингдек, чанг-тўзонлар билан бирга кузатилиши мумкин. Ҳаво ҳарорати 34-39 даража атрофида бўлади, жанубий ҳудудларда эса 41-43 даражагача кўтарилиши мумкин.
Тошкент шаҳрида ёғингарчилик кутилмайди. Шамол тезлиги 5-10 м/с бўлади. Ҳарорат 36-38 даража оралиғида бўлиши прогноз қилинмоқда.
Тоғли ҳудудларда ҳам ёғингарчилик кутилмайди. Шамол 7-12 м/с тезликда эсади, баъзи жойларда 13-18 м/с гача кучайиши мумкин. Ҳаво ҳарорати 26-31 даража атрофида бўлади.