“Бритни жаноб Спирсга қарши”: Шоу-бизнес юлдузларининг шов-шувли ҳаёти ҳақидаги ҳужжатли филмлар
“Бритни жаноб Спирсга қарши”: шоу-бизнес юлдузларининг шов-шувли ҳаёти ҳақида ҳужжатли филмлар
Машҳурларнинг шахсий ҳаётидаги можаролар кино сюжетига айланган ҳужжатли филмлар ҳақида сўз юритамиз.
Мадонна ҳақида бир нечта ҳужжатли филм суратга олинган, бироқ бадиий филм ҳали ишланмаганди. Хонанда 2020-йилда ўзи ҳақидаги филм устида ишлаш учун ссенарий муаллифи Диабло Коди билан ҳамкорлик қилади. У филмга ўзи режиссёрлик қилишни ҳам режалаштиради. Аммо суратга олиш жараёни чўзилиб кетади: хонанда гастрол сафари муҳимроқ деган хулосага келади.
Қўшиқчи ҳақидаги сўнгги ҳужжатли филм “Мадонна: Афсонанинг туғилиши” деб аталади.
Хонанда кўп йиллар давомида отасини судга бериб, унга нисбатан васийликни бекор қилишни талаб қилди. У золим ота-онанинг даҳшатли чекловлари ва чидаб бўлмас яшаш шароитларини мунтазам равишда оммага ошкор қилиб, эркинликни талаб қила бошлади. Бритни ўз мақсадига эришди. Васийликдан чиқишидан олдин “Бритни жаноб Спирсга қарши” ҳужжатли филми намойиш этилди. Филм муаллифларининг таъкидлашича, 2010-йилларда қизнинг тўсатдан медиа майдонидан ғойиб бўлиши ижоддан чарчагани билан боғлиқ эмас, балки бу отаси Жейми Спирснинг режаси бўлган.
Мусиқачи умрининг ярмидан кўпини катта шоу-бизнесда ўтказди ва у ҳақида аллақачон иккита ҳужжатли филм суратга олинган. Биринчиси, “Жастин Бибер: ҳеч қачон ҳеч қачон дема” 17 ёшга тўлишидан бироз олдин чиққан. Ўша пайтда ўсмирларнинг муваффақият тарихи унчалик қадрланмаган: филм рейтинги пасайиб кетганди. Кейинги клиплари эса дислайкларга нишон бўлди.
Уч йил олдин “Фасллар” сериали чиқди, унда Бибернинг шон-шуҳрати, чарчаши, тушкунлик даври, қувончи, карьераси — умуман олганда, ҳаёти ҳақида ҳикоя қилинади.
Эмма Купернинг “Депп Ҳёрдга қарши” номли уч қисмли филмида шов-шувли янгилик топиб бўлмайди: барча фактлар у ёки бу тарзда аллақачон янгиликларда ёритилган. Лекин ҳаммасини бир жойга жамлаш ва умумлаштириш ҳам катта меҳнат.
“Ким вс Канье: ажрашиш” ҳужжатли филми муаллифлари жуфтликни қирол оиласига қиёслайди — уларнинг никоҳи жуда мустаҳкам туюларди. Филмда юлдузларнинг севгиси қандай бошлангані, никоҳи қандай ривожлангани ва унинг бузилишига нима сабаб бўлгани тасвирланган. Турли хил версиялар тақдим этилади. Албатта, бош қаҳрамонлар ҳам ўз қарашлари билан ўртоқлашган: ҳар бирининг ўз ҳақиқати бор.