БМВ узайтирилган иХ3 кроссоверини тақдим этди
БМВ Хитой бозори учун мўлжалланган узайтирилган иХ3 кроссоверининг нархларини эълон қилди.
БМВ компанияси узайтирилган иХ3 кроссоверини тақдим этди.
Германиянинг БМВ автомобил ишлаб чиқарувчиси Ченду автосалонида Хитой бозори учун махсус яратилган иХ3 кроссоверининг узунроқ версиясини намойиш этди. СарНевсЧина нашрининг хабар беришича, ушбу автомобил уч хил комплектацияда 269 900 юандан 339 900 юангача нархда сотувга чиқарилган (2026-йил 21-август ҳолатига кўра 476 миллион сўмдан 600 миллион сўмгача).
"Хитойча" БМВ иХ3 нинг Европа версиясидан асосий фарқи ғилдирак базасининг узайтирилганлиги (3 метрдан ортиқ) ва маҳаллий дастурий таъминот билан жиҳозланганлигидир. Ташқи кўринишидан моделлар деярли бир хил. Узайтирилган кроссовер тор "бурун тешиклари"га эга сохта радиатор панжараси, катта орқа диффузор, ярим яширин эшик тутқичлари ва алоҳида орқа чироқлар билан жиҳозланган.
Автомобил салонида жисмоний тугмалар сони минимал даражага келтирилган, асбоблар панели вазифасини эса олд ойна бўйлаб тўлиқ жойлашган узунчоқ экран бажаради. Шунингдек, автомобил ғайриоддий шаклдаги улкан мултимедиа тизими дисплейи билан жиҳозланган бўлиб, у ҳайдовчи томонига бироз қияроқ ўрнатилган.
Хитой учун мўлжалланган кроссовернинг базавий версияси 265 от кучига эга битта электромотор билан жиҳозланган. Бундай БМВ иХ3 100 км/соат тезликка 6,8 сонияда эриша олади. Бир қувватланишда босиб ўтадиган масофаси 630 км ни ташкил этади.
Шунингдек, моделнинг умумий қуввати 374 от кучига эга иккита электр двигателли модификацияси ҳам мавжуд. Бир қувватланиш билан автомобил қарийб 700 км масофани босиб ўтиши мумкин. Унинг 100 км/соатгача тезланиши 5,6 сонияни талаб этади. Кроссовернинг топ версияси 469 от кучи қувватига эга. Бир қувватланишда автомобил 900 кмгача масофани босиб ўта олади.