БМВ и3Л электромобили юриш захираси бўйича рекорд ўрнатди
Германиянинг БМВ компанияси йўл синовлари давомида электромобилда узоқ масофага юриш бўйича янги рекорд ўрнатди. и3 50Л седани қайта қувватланмасдан 1213 км масофани босиб ўтиб, 100 км учун ўртача 8,8 кВт·соат электр энергияси сарфини кўрсатди.
БМВ и3Л электромобили юриш захираси бўйича рекорд қайд этди
Янги БМВ и3 50Л электр седани Хитойдаги йўл синовлари чоғида қайта қувватланмасдан 1213 км масофани босиб ўтди. Бу ҳақда Сар Невс Чина нашри хабар берди.
Автомобил белгиланган манзилга аккумуляторида атиги 1 фоиз захира қуввати қолган ҳолда етиб келди. Босиб ўтилган масофа эълон қилинган юриш захирасининг 118 фоизини ташкил этди ва бу бренднинг узоқ масофага юриш синовларидаги янги рекордига айланди.
Синов пайтида ўртача электр энергияси сарфи 100 км учун бор-йўғи 8,8 кВт·соатни ташкил этди. Шу билан бирга, маршрут автомагистраллар, оддий йўллар ва шаҳар кўчаларини қамраб олган эди.
БМВ и3 50Л янги Неуе Классе электр платформаси асосида ишлаб чиқилган. Синовдан ўтказилган седан 113,4 кВт·соат сиғимли аккумулятор ва 800 волтли архитектура билан жиҳозланган. БМВ и3 50Л моделини серияли ишлаб чиқариш ва Хитой бозорига чиқариш 2026-йил тўртинчи чорагига режалаштирилган.
Синовлар БМВ компаниясининг Хитойнинг Шенян шаҳридаги заводида олтинчи авлод аккумуляторларини серияли ишлаб чиқариш бошланиши муносабати билан ўтказилди.