БМТ делегатлари Нетаньяху нутқи пайтида зални тарк этишди. Видео

БМТ делегатлари Нетаньяхунинг нутқи пайтида зални тарк этишди. Видео

Исроил бош вазири Биньямин Нетаньяхунинг Нью-Йоркдаги БМТ Бош Ассамблеясидаги чиқиши ўнлаб делегатларнинг зални тарк этиши ва шаҳар марказидаги норозилик намойишлари билан кузатилди.

Нутқининг бошидаёқ Нетаньяху мамлакатлар вакилларининг чиқиб кетганига муносабат билдириб, зални тарк этганларни «маънавий қўрқоқлар» деб атади. Кейинчалик у Исроилнинг ҳаракатларини ҳимоя қилди ва мамлакат ўзини ҳимоя қилишда давом этишини маълум қилди.

Зални намойишкорона тарк этишдан ташқари, Нетаньяхунинг чиқиши Манхэттен марказидаги кўча намойишлари билан ҳам кузатилди. Бир нечта фаластинпараст ташкилотлар шаҳарнинг турли ҳудудларида акциялар ўтказди, уларда 1 250 дан ортиқ киши иштирок этди. Полиция 100 га яқин намойишчини қўлга олди, деб хабар беради The New York Times.

Қўлга олинганлар орасида актрисалар Сьюзан Сарандон ва Ханна Айнбиндер, шунингдек, Нью-Йорк мэрининг Нетаньяхуни танқид қилган бир нечта сиёсий маслакдошлари, жумладан Зоҳран Мамдани ҳам бор эди.