Биринчи жаҳон урушининг сўнгги ҳафтасида ҳалок бўлган қаҳрамоннинг медали аукционга қўйилди
Жеймс Кирк низонинг сўнгги кунларида сафдошларини ҳимоя қилиш чоғида ҳалок бўлган, дейди аукциончилар.
Биринчи жаҳон урушининг сўнгги ҳафтасида ҳалок бўлган қаҳрамоннинг медали аукционга қўйилди
Иккинчи лейтенант Жеймс Кирк Биринчи жаҳон урушининг сўнгги ҳафтасида ҳалок бўлган эди
Биринчи жаҳон урушининг сўнгги ҳафтасида сафдошларини ҳимоя қилиш пайтида ҳалок бўлган аскарга берилган Виктория хочи медали ким ошди савдосига қўйилмоқда.
Катта Манчестернинг Чидл Хьюм ҳудудидан бўлган Жеймс Кирк 1918 йил ноябрь ойида Францияда кўприк қураётган аскарларни ҳимоя қилиш пайтида кучли пулемёт ўқидан ҳалок бўлган эди.
21 ёшли иккинчи лейтенант юзидан ўқ еганидан кейин ҳам, немис пулемётчиларига қарши ёлғиз ўзи курашиш учун каналдан сузиб ўтиб, жангни давом эттирган.
Унинг медали 7 октябрь куни Лондоннинг Noonans аукцион уйи томонидан сотилади ва у 100 000 дан 160 000 фунт стерлинггача баҳоланиши кутилмоқда.
Noonans вакилларининг сўзларига кўра, Кирк 1918 йил 4 ноябрдаги Самбр жанги пайтида Уаза канали устидан кўприк қуришга ҳаракат қилаётган Қироллик муҳандисларини ҳимоя қилишга уриниб, "энг олий қурбонликни келтирган".
Кирк Льюис пулемёти ва тўртта ўқдонни олиб, бензин канистралари ва пўкак қалқиб турувчи мосламалардан ясалган солда "энг шиддатли пулемёт ўқлари остида" сув йўлини сузиб ўтган, дейди Noonans.
Жеймс Кирк кўрсатган жасорати учун Виктория хочи билан тақдирланган
Аукциончилар қўшимча қилди: "Қирғоқ пулемётлар билан тўла эди.
"У ўз Льюис пулемётини 10 ярд (тахминан 9 метр) масофада ўрнатди ва барча ўқ-дориларини узиб тугатди.
"Унга солда қўшимча ўқ-дорилар сузиб келтирилди ва у Қироллик муҳандисларининг вазифасини бажаришини пана қилиб, ўқ узишда давом этди.
"У қўлидан ва юзидан яраланган бўлса-да, энг очиқ позициядан тинимсиз ўқ узди, токи бошидан ўқ еб, пулемёти устига жонсиз йиқилгунга қадар."
1918 йил 11 ноябрда Ярашув кунида уруш тугаганини нишонлаш учун Лондонда улкан оломон тўпланди
Киркнинг вафотидан кейин берилган Виктория хочи унинг урушдаги хизматлари учун берилган бошқа учта медали билан бирга сотилмоқда.
У машҳур уруш шоири Уилфред Оуэн ҳалок бўлган жангда вафот этган
.
Биринчи жаҳон уруши пайтида 17 миллион аскар ва тинч аҳоли ҳалок бўлган
.