Бир ойлик ҳарбий хизмат нархи ва шартлари қандай?
2026-йил сентабридан бир ойлик ҳарбий хизмат нархи 9 млн 520 минг сўм бўлди. Пулни 3 ойдан 12 ойгача бўлиб тўласа бўлади. Кимлар бир ойлик хизматга бориши мумкин? Хизматга бориш тартиби ва у муддатли хизматдан нимаси билан фарқ қилишини тушунтирамиз.
Бир ойлик ҳарбий хизматнинг нархи ва шартлари қандай?
Бир ойлик ҳарбий хизматга қуйидаги шахслар қабул қилинади:
18–27 ёшдаги эркаклар; соғлигида айрим чекловлар бўлса ҳам, хизматга яроқли деб топилганлар; ўқиш, оила ёки соғлиқ сабабли ҳарбий хизматни кечиктира олмайдиганлар; муддатли хизматга чақирилмаганлар.
Хизмат ҳудудий принсип асосида ташкил этилади ва бир марта бир ойлик ҳарбий йиғинда қатнашилади.
Бир ойлик ҳарбий хизмат учун тўлов меҳнатга ҳақ тўлаш энг кам миқдорининг 7 баробарига тенг. 2026-йил 1-сентабрдан МҲТЕКМ 1 млн 360 минг сўм этиб белгиланган.
Шунга кўра, бир ойлик ҳарбий хизмат учун 9 млн 520 минг сўм тўланади. Бадал 12 ойга бўлиб тўланса, ойига 793 333 сўмдан тўғри келади.
Агар оилангиз Ижтимоий реестрда бўлса, хизмат бепул.
Бу имтиёз 18–27 ёшдаги оила аъзоларига тегишли.
Хизмат бепул кўрсатилади ва маълумотнома дарҳол тайёр бўлади.