Бир-бирини кўргани кўзи йўқ Голливуд юлдузлари
Голливуд юлдузлари орасидаги келишмовчиликлар
Шоу-бизнес фақатгина қизил гиламлар, миллионлаб гонорарлар ва камералар олдидаги табассумлардан иборат эмас. Парда ортида кўпинча аччиқ сўзлар айтилади, баъзи машҳурлар эса йиллар давомида бир-бирларининг эски гиналарини кечира олмайди.
Эминем ва Мерайя Кери
Бу, шубҳасиз, поп-маданият тарихидаги энг шов-шувли можаролардан биридир. Қисқа ишқий муносабатдан сўнг Эминем ва Мерайя узоқ йиллар давомида интервю ва қўшиқлари орқали бир-бирига киноя қилиб келди. Хонанданинг улар ўртасида бирор муносабат бўлганини бутунлай инкор этиши репернинг ғашига теккани аниқ. Эминем ўз норозилигини ўзига хос услубда – трекларидаги кескин сатрлар билан изҳор этишни афзал кўрди.
Вин Дизел ва Дуейн Жонсон
“Форсаж” филмини суратга олиш майдончасида икки ўта кучли характер тўқнашди. Дуейн Жонсон иш жараёнида фаол иштирок этишни хоҳлаган, Вин Дизелга эса бу умуман ёқмаган. Натижада низо шу қадар кучайиб кетдики, актёрлар узоқ вақт бирга суратга тушишдан бош тортиб юришди. Афтидан, битта франшизадаги майдон иккита асосий алфа эркакка чиндан ҳам торлик қилганга ўхшайди.
Эминем ва Мачине Гун Келлй
Икки репер ўртасидаги зиддият Мачине Гун Келлйнинг Эминемнинг вояга етмаган қизи ҳақида номақбул фикр билдирганидан сўнг бошланди. Маршалл учун бу сўнгги чора бўлди. Шундан сўнг интервюлар, ўзаро айбловлар ва мухлислар ҳалигача сўнгги йиллардаги энг ёрқин мусиқий батллардан бири деб биладиган машҳур дисс-треклар оммага тақдим этилди.
Женнифер Энистон ва Жулия Роберц
Актрисалар ўртасидаги зиддият қарийб ўн беш йил давом этган. Тахминлардан бирига кўра, бунга Меттю Перри сабаб бўлган. Женнифер Жулия дўстининг ҳис-туйғуларига жуда қўпол муносабатда бўляпти деб ҳисоблаган, Роберц эса Энистон бировнинг ишига аралашяпти деган фикрда эди. Яхшиямки, бу воқеа барибир яхшилик билан якунланди. 2015-йилда актрисаларни самимий суҳбат қураётган ҳолда кўришди ва шунда маълум бўлдики, эски араз-гиналар ўтмишда қолибди.
Ким Кардашян ва Перис Ҳилтон
Бир пайтлар Ким Кардашян Перис Ҳилтоннинг шахсий ёрдамчиси бўлиб ишлаган ва бутун дунё бўлажак телеюлдуз ҳақида айнан у туфайли билган эди. Аммо Кимнинг ўзи машҳурликка эришгач, дўстликка дарз кетди. Периснинг собиқ дугонасининг қомати ҳақидаги кескин фикрлари эса оловга мой сепди. Шундан сўнг юлдузларнинг йўллари бутунлай айрилди. Тўғри, орадан йиллар ўтиб, муносабатлар анча яхшиланди, бироқ уларни яқин дугоналар деб бўлмайди.
Селена Гомес ва Белла Ҳадид
Мухлислар Селена Гомес ва Ҳейли Бибер ўртасида адоват бўлишини кутишган эди, бироқ тақдир бошқача қарор қилди. Кутилмаганда хонанданинг асосий рақиби Белла Ҳадид бўлиб чиқди. Сабаби — Тҳе Веекнд. Мусиқачи Белла билан ажрашганидан кўп ўтмай Селена билан учраша бошлагач, қизларнинг муносабатлари кескин ёмонлашди. Улар ижтимоий тармоқларда бир-бирларига обунани бекор қилишди, мухлислар эса бу севги учбурчагини узоқ вақт муҳокама қилиб юришди.
Орландо Блум ва Жастин Бибер
Машҳурларнинг ҳар қандай можароси ҳам шунчаки сўз билан якунланавермайди. Жастин Бибернинг Орландо Блумнинг собиқ рафиқаси Миранда Керри билан ишқий муносабатда бўлганига ишора қилганидан сўнг, актёрнинг сабр косаси тўлди. Гувоҳларнинг айтишича, Ибицадаги ресторанлардан бирида Блум хонандага мушт туширишга уринган. Видео интернетда тезда тарқалиб кетди ва бу воқеа шоу-бизнес оламида энг кўп муҳокама қилинган ҳодисалардан бирига айланди.
Ники Минаж ва Мерайя Кери
Америка шоусини суратга олиш вақтида Ники ва Мерайянинг фикрлари бир жойдан чиқмай, оддий баҳс тезда катта жанжалга айланиб кетди. Хонандалар тинчланмагунча суратга олиш жараёнини тўхтатишга тўғри келди. Гарчи иш муштлашувгача бориб етмаган бўлса-да, ўзаро эътирозлар узоқ вақт сақланиб қолди.