Бешқозон биринчи ЖЎЖА товуқли ошини ва «Ош - бу Бизнинг қувватимиз» видеоманифестини тақдим қилди

Бешқозон биринчи ЖЎЖА товуқли ошини ва "Ош - бу Бизнинг қувватимиз" видеоманифестини тақдим этди.

Мижозларнинг ижобий фикр-мулоҳазаларидан сўнг, Бешқозоннинг барча филиаллари асосий менюсига ЖЎЖА товуқли оши киритилди ва тармоқнинг асосий ресторанида, телеминора ёнида ушбу таом учун махсус мозаикали қозон очилди. Шунингдек, бренд ўзининг янги видеоманифестини тақдим этди.

15-август куни Бешқозон ва ЖЎЖА Ўзбекистон пазандачилик тарихида янги саҳифа очди. Ресторанлар тармоғининг бош филиалида анъанавий рецепт асосида тайёрланган, Тошкентнинг афсонавий меъморий мозаикалари билан уйғунлашган мозаика техникасида ишланган қозонда пиширилган биринчи ЖЎЖА товуқли ошининг расмий тақдимоти бўлиб ўтди.

ЖЎЖА – Ўзбекистонда ишлаб чиқариладиган сифатли ҳалол парранда гўшти маҳсулотлари бренди. Бугунги кунда қуйидагилар ишга туширилган ва фаолият юритмоқда:

• Файз Парранда МЧЖнинг омихта ем заводи ва парранда гўштини қайта ишлаш корхонаси;

• 2025-йилда сотиб олинган Саховат Бройлер АЖ мажмуаси реконструксия босқичида;

• парранда гўштини чуқур қайта ишлаш сехини қуриш бўйича тайёргарлик ишлари олиб борилмоқда.

Бир неча ой аввал Серволух компанияси ЖЎЖА маҳсулотларини Бешқозон ресторанларига етказиб бериш бўйича эксклюзив шартнома тузди. Синов даври шуни кўрсатдики, анъанавий ўзбек таомининг янги талқини катта машҳурликка эришди – меҳмонлар товуқ гўштидан тайёрланган ошнинг таъми, серсувлиги ва мўтадил калориялилигини алоҳида таъкидлашмоқда. Истеъмолчиларнинг юқори баҳолари, маҳсулот сифати ва ишончли ҳамкорлик ЖЎЖА товуқли ошини Бешқозоннинг барча филиаллари асосий менюсига киритиш имконини берди.

Биринчи ЖЎЖА товуқли ошининг тантанали тақдимоти ва ЖЎЖА қозонининг очилиш маросими Телеминора ёнидаги Бешқозон (Ўрта Осиё ош маркази) бош филиалида бўлиб ўтди. Бешқозон меҳмонлари ҳақиқий пазандачилик байрамининг гувоҳи бўлдилар, унинг ўзига хос қисми эса тантана, қувонч ва фаровонлик рамзи бўлган "Наво" халқ ансамбли ижросидаги карнай-сурнай мусиқий анъанаси бўлди.

Тасмани кесиш маросимида тадбирнинг фахрий меҳмонлари иштирок этдилар: