Берлин аеропортида ярим йилда 28-марта дрон қайд этилди
Берлин-Бранденбург аеропортида 23-сентабр оқшомида дрон аниқлангани сабабли парвозлар 45 дақиқага тўлиқ тўхтатилди. Хавфсизлик нуқтаи назаридан аеропортнинг ҳар икки учиш-қўниш йўлаги вақтинча ёпилган.
Берлин аеропортида ярим йил ичида дрон 28-марта қайд этилди
ДВ хабар беришича, дпа агентлиги бу ҳақда аеропорт ҳамда Германия федерал полицияси вакилларига таяниб маълум қилган.
Дрон маҳаллий вақт билан тахминан соат 20:00 да аниқланган. Шундан кейин Германия ҳаво ҳаракатини бошқариш хизмати — Деуцче Флугсичерунг (ДФС) шимолий учиш-қўниш йўлагини ёпган.
Соат 20:20 да жанубий йўлак ҳам ёпилиб, аеропортдаги парвозлар тўлиқ тўхтатилган. Ҳар икки йўлак соат 21:05 да қайта очилган.
### Ярим йилда 28 та ҳолат қайд этилган
ДФС маълумотига кўра, йилнинг дастлабки олти ойида Берлин-Бранденбург аеропортида дрон аниқланиши билан боғлиқ 28 та ҳолат қайд этилган. Бу Германия аеропортлари орасида энг юқори кўрсаткич бўлиб, мамлакатдаги энг йирик аеропорт — Франкфурт-Майндагидан биттага кўп.
Ушбу ҳолатларнинг еттитасида Берлин-Бранденбург аеропортида ҳаво ҳаракатини вақтинча тўхтатишга тўғри келган. Таққослаш учун, 2025-йил давомида аеропорт ва унга туташ ҳудудларда жами саккизта дрон аниқланган.
### Хабарлар асосан учувчилардан келиб тушади
Дронлар ҳақидаги хабарларнинг аксарияти парвозга кўтарилаётган ёки қўнишга тайёрланаётган самолёт учувчилари, шунингдек, диспетчерлик минораларидаги кузатувчилардан келиб тушади.
Жорий йилдан бошлаб федерал полиция бошқарувидаги учувчисиз учиш аппаратларини аниқлашга мўлжалланган махсус тизимлар ҳам қўлланилмоқда.
Кёлн/Бонн, Гамбург ва Мюнхен аеропортларида ҳам дронлар ҳақида тез-тез огоҳлантиришлар қайд этилган.
ДВ маълумотига кўра, Германия қонунчилиги учиш ва қўниш ҳудудлари атрофидаги 1,5 километр радиусда дронлардан фойдаланишни тақиқлайди. Бундай қоидабузарлик ҳаво ҳаракатига хавфли аралашув сифатида баҳоланиб, ўн йилгача озодликдан маҳрум қилиш жазосига сабаб бўлиши мумкин.