Беҳруз Каримов “Лугано” сафида илк голини урди
Ўзбекистонлик ҳимоячи Беҳруз Каримов ъЛуганў сафида дастлабки голини урди. Швейсария супер лигасининг 8-туридан ўрин олган ўйинда жамоа ъСаинт Галленъ устидан 4:1 ҳисобида ғалаба қозонди.
Беҳруз Каримов “Лугано” сафида илк голини урди
Ўзбекистон миллий жамоаси ҳимоячиси Беҳруз Каримов “Лугано” таркибидаги дастлабки голини киритди. У 16-сентабр куни бўлиб ўтган Швейсария супер лигасининг 8-турида “Саинт Галлен”га қарши баҳсда жамоасининг тўртинчи голига муаллифлик қилди.
Учрашувнинг 36-дақиқасида Каримов жамоадошининг узоқдан узатган тўпини рақиб дарвозабони уни эгаллашда йўл қўйган хатосидан кейин икки ҳимоячи орасидан дарвозага йўналтирди.
Беллашув 4:1 ҳисобида якунланди. “Лугано” барча голларни биринчи бўлимдаёқ урди. Каримов иккинчи бўлимда захирага олинди.
“Лугано” Швейсария супер лигасида 7 та ғалаба ва 1 та дуранг билан 22 очко жамғарган ҳолда пешқадамлик қилмоқда.
Эслатиб ўтамиз, Беҳруз Каримов август ойида “Сурхон” футбол клубидан “Лугано” клубига ўтиб, 2031-йилгача шартнома имзолаган эди. Чампионат Асиа нашри маълумотига кўра, унинг трансфери Швейсария клубига 250 минг еврога тушган. Бундан ташқари, “Сурхон” футбол клуби ўйинчининг кейинги сотуви суммасидан 10% олади.