Башар Асадга ўлим жазоси тайинланди
Сурия суди мамлакатнинг собиқ президенти Башар Асадни ўлим жазосига ҳукм қилди. Бу ҳақда САНА агентлиги хабар берди.
Асад 2024-йил декабрида ҳокимиятдан ағдарилганидан сўнг Россияга қочиб кетган ва у ердан сиёсий бошпана олган эди. Ўшандан буён у оммавий ахборот воситалари ва жамоатчилик эътиборидан четда қолиб келмоқда.
Ҳозирча ҳукмга оид бошқа тафсилотлар маълум қилинмаган.
Маълумотларга кўра, Башар Асад оиласи билан Москвадаги ҳашаматли уйда яшайди. Шу билан бирга, Россия президенти Владимир Путин ва Суриянинг амалдаги раҳбари Аҳмад аш-Шараа бир неча бор учрашувлар ўтказган.